text/Vera photo/Ken、May
將軍澳朋友買來屋企附近小店「Yolanda Bakery」的曲奇,曲奇入口意外地相當鬆化輕盈,鬆而不散,咖啡味突出,連吃幾塊也不覺膩,不比坊間以牛油曲奇出名的小店遜色,4 安士分量只售 $23 包,已經有廿多塊曲奇!
原來店主 Yolanda 的丈夫阿輝是資深糕餅師傅,入行 30 年,做開港式平民糕餅。價錢賣得平,卻也用上高質幼細、成本高的日本麵粉去做。阿輝說:「日本麵粉筋度較低,用來打麵團,做出來的曲奇會較鬆化。最熱賣的 4 款唧花曲奇,更下了貴一倍的糖霜代替砂糖,糖霜較幼滑,焗出來的曲奇亦會加倍鬆化。坊間好多地方會加泡打粉增加鬆化感,但我寧願用天然材料。我們不是用最頂級的材料,只用紐西蘭牛油,不過客人也表示質量唔錯。」
他們做的曲奇小巧,每粒曲奇牛油分量相對亦較低,故此多吃幾粒也不易膩。原來 Yolanda 是站在 OL 角度設計,方便在公司一粒一口地嗒。曲奇口味多達 15 款,有原味牛油、特濃綠茶、朱古力脆脆、伯爵茶、芝麻、芝士、海鹽粟米片等,新年更會推出應節臘腸曲奇!罐裝禮盒才賣 $60,用來送人一點不失禮!
Yolanda Bakery
地址:將軍澳新都城二期 UG 95 號舖
電話:9509 0155 / WhatsApp 9515 9715
營業時間 :11am-8pm