2021新年特色外賣盆菜5大推介!12隻大閘蟹蟹粉/北海道毛蟹/韓式素食盆菜/越式全牛盆菜

發佈: 2021.01.21

【新年外賣2021】2021農曆新年就到啦!一家人團團圓圓,當然要有豐富的外賣盆菜做團年飯美食,如果今年不想再食傳統盆菜的話,都有不少餐廳推出多款特色外賣盆菜,例如加入北海道毛蟹、選用12隻大閘蟹製作的蟹粉、韓式素食盆菜及越式全牛盆菜等等,款款都有新意之餘,食材亦好豐富,新年食團年飯絕對可以滿足到家人,即睇詳細試食報告啦!

1. 上三兩 SEXY CRAB

農曆新年食團年飯當然不少得豐富的盆菜外賣啦!位於尖沙咀K11 Musea的蟹麵專門店「上三兩」(SEXY CRAB)就推出全港首創的毛蟹花膠蟹粉龍蝦醬盆菜,盆菜有12隻大閘蟹蟹粉、北海道毛蟹及原隻南非花膠等高質食材,而且盆菜更提供外賣到家服務,十分方便!

盆菜用上原隻日本北海道毛蟹,毛蟹肉質飽滿,味道鮮甜。還有選用12隻優質大閘蟹入饌,蟹蓋上的蟹粉、蟹肉及蟹油亦調配出黃金比例,食落濃郁又充滿鮮味。食材也有原隻南非花膠、南乳豬手、髮菜、蠔豉、北海道元貝、蠔汁扣鵝、新鮮虎蝦、紅燒腩仔、農家雞、明爐燒鴨及蠔皇炆冬菇等等。盆菜亦有特別調配的南乳醬及額外奉上每日由人手鮮製的龍蝦醬。

「花膠蟹粉龍蝦醬盆菜」詳細資料:

 

2. 土生花

團年飯一家大細、有老有嫩想食健康一點的話,不妨試試素食盆菜外賣啦!由尖沙咀K11 Musea一間韓式素食餐廳「土生花」推出的外賣素食盆菜「素.聚滿盆」,提供多款韓式美食,包括有蘿蔔餃子、粉絲福袋及年糕等,菜式不含五辛,充滿天然風味,新年團年飯食這個外賣盆菜都不錯~

餐廳更特別推出單點菜式外賣自取六折優惠,推介香煎韓國沙參、蘑菇蓮藕餅及韓式泡菜煎餅。

「素.聚滿盆」詳細資料:

 

3. 安南越南餐廳

銅鑼灣越式餐廳「安南越南餐廳」於今個農曆新年推出全新外賣自取盆菜「越式金牛聚寶盆菜」,外賣盆菜大部份食材以牛為主,包括有牛腩、牛𦟌、牛肋骨、牛筋、牛柏葉等12款材料,再配招牌牛骨湯底及越式檬粉,適合一眾牛魔王!想今個新年食特色外賣盆菜的話,不妨試試啦~

特別推介金錢肚,肉質燜到好軟腍,食落惹味,而牛丸就爽口彈牙,牛味濃郁。至於湯底選用餐廳的招牌牛骨湯底,以新鮮的牛筒骨、坑腩、香料、洋蔥、老薑慢火熬煮近二十小時,好足料!白蘿蔔及檬粉吸盡牛骨湯,味道好鮮甜!

「金牛聚寶盆菜」詳細資料:

 

4. 帝苑酒店

新年團年飯想食特色外賣盆菜的話,可以考慮尖沙咀帝苑酒店推出的5款特色新年堂食及外賣盆菜,包括有東來順餐廳的「金湯素盆菜」 ($1,488四位用)、「內蒙古羊肉風味盆菜 」($2,288四位用)、「麻辣盆菜」($1,488四位用)、「原味盆菜」($1,488四位用),以及帝苑軒餐廳的「金牛富貴盆菜」($1,688四位用),適合不同口味的朋友,而且款款盆菜都好豐富,可以讓大家食到盆滿缽滿!

【新年外賣2021】2021新年特色外賣盆菜5大推介!12隻大閘蟹蟹粉/北海道毛蟹/韓式素食盆菜/越式全牛盆菜

帝苑酒店盆菜詳細資料:

 

5. 新同樂

想食豐富又有特色的外賣盆菜的話,尖沙咀米芝蓮二星中菜館「新同樂」推出的盆菜都是一個不錯的選擇,包括有「鮑魚鵝掌古法羊腩盤菜」及「鮑魚鵝掌烤鴨盆菜」,兩款盆菜除會配搭「蝦籽五味農場雞」及多款食材之外,亦可選擇不同級數的鮑魚,由「岩手乾鮑」至「26頭日本皇冠吉品鮑」都有,而且最近更推出72折等多個優惠,大家切勿錯過!

新同樂盆菜詳細資料:

↓【免費送☕】sensory ZERO港幣$300餐飲禮券!↓

↓ 請您食招牌蒲燒三層鰻魚滑蛋飯 / 澳洲M5+和牛溫泉蛋飯 / Crazy Chocolate!


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more