一套《幻愛》令到區外人重新認識屯門碼頭（屯碼）。其實屯碼有好多好嘢食，尤其係碼頭旁的悅湖山莊，小店集中，這裏更開了間外賣餃子屋，放工時間同周末都見人龍，得到街坊加持。
每日踏入放工時間，店員進進出出在黑板上寫上賣罄的餃子，幾個周末，全店員工開足 turbo 瘋狂賣了 2,000 隻餃子！
老闆 Ron 是行外人，但對做餃子很有心。餃子屋首 2 個月並沒有營業，因為要全力試肉試菜試餃子皮。最大挑戰是找優質鮮豬肉，於屋苑街市入貨，以 6 份瘦對 4 份肥的比例搓成餡，不加生粉以新鮮蔬菜加水搓至起膠。餃子 7am 就開始密密包，堅持不加生粉，令餃子保留原汁原味及 juicy；混合菜肉時只加水，慢慢搓至起膠，比加生粉的食落餡料鬆化唔死實，仲有黏黏肉汁。
餡子隻隻大隻飽滿，菜肉比例約 6:4 或 7:3，看看餃子橫切面，餡滿滿。供應 9 款餃子，傳統口味有韭菜、椰菜、香荽及芹菜，另加幾款 Ron 口中的「濃味餃」：芝士粟米、泡菜、咖喱、紫菜鮮肉餃及一款素餃。餃子可以煎可以放湯，亦可生餃買走。
吃煎餃又好、湯餃又好，記得問老闆拎杯一擔心機辣菜脯，最大工夫係處理蝦米，蝦米自家磨粉撒在菜脯上加辣椒炒勻，蝦米要慢磨，因為機器研磨時的熱力會令海味香散失，又辣又惹味，為餃子作 magic touch。
這間帶日本風情的餃子屋，舖頭以外賣為主，供應生餃、煎餃及湯餃。
9隻三拼自由選 $54、6 隻雙拼自由選 $44（芝士粟米鮮肉餃加 $2）
餃子皮煎煮均適合，不會過厚，煙韌度不俗，混合港式餃皮的爽口不易穿，但又有北方餃子的彈牙感，餃子全天不斷包製。
煎素餃 $42 六隻、$48 九隻（前）、餃里撈麵 $15
田園四拼 $46
餃子即叫即煎，隻隻煎得底部焦脆，餃皮柔軟煙韌。
6隻雙拼自由選 $44（芝士粟米鮮肉餃加 $2）
餃里
地址：屯門湖秀街 2 號悅湖山莊商場地下 51-52 號舖
電話：28612328、61995452
營業時間：11am - 9pm
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
