8度海逸酒店自助晚餐回歸! cp值高歎即開生蠔等90款美食, 網上預訂折完再折!

8度海逸酒店自助晚餐回歸! cp值高歎即開生蠔等90款美食, 網上預訂折完再折!

發佈: 2021.02.19
文: U Food

終於可以出街食晚飯,一於食盡佢,自助晚餐就最啱!一向被譽為cp值高、屢獲殊榮嘅8度海逸酒店自助晚餐率先宣布回歸,由即日起至4月30日供應「鮮味美饌」自助晚餐,近百款美食中,有香港人最愛嘅即開生蠔及多款海鮮,另亦有矜貴的原盅松茸燉花膠湯、即炸天婦羅,同埋日式慢煮磯燒鮑魚!想知仲有咩回本菜同訂座優惠,就要睇到最尾喇!

「鮮味美饌」自助晚餐必食名單

每日空運到港的新鮮生蠔,產地包括法國、美國或愛爾蘭,每人可歎兩隻,即開即食,鮮味爆發!

 

海鮮拼盤同樣係焦點所在,啖啖肉的鱈場蟹腳、飽滿鮮香的紐西蘭青口,還有海蝦、海螺等,加點檸檬汁,鮮味更突出!

 

逢星期五至日及公眾假期的食客更有口福,每位入場即送日式慢煮磯燒鮑魚一隻,甜美厚肉的日本鮑魚,大廚將之連殼慢燒,鮮甜得來口感同時保持爽滑!

 

自助餐甚少得香港人大愛的刺身,刺身區無限量供應厚切三文魚刺身,另外八爪魚、鯛魚、甜蝦及其他新鮮雜錦刺身亦不容錯過!同屬開胃之選的還有多款冷盤及沙律,如麻辣雞腎配蒜香拍青瓜、泰式魔芋絲魷魚沙律、日式燒牛肉沙律或日式蟹籽沙律等,清新醒胃,適合作開胃菜,或清清味蕾再戰第二Round!

 

今次自助餐還有即點即炸天婦羅Station,主打材料當然是大蝦!想吃點特色蔬菜,也有冬菇、南瓜和茄子等可選,天婦羅炸至金黃,炸粉亦夠薄身均勻,熱辣香脆!

 

想滋補養生,無添加的燉湯就最啱,大廚特選矜貴食材如松茸、花膠等原盅清燉,清甜滋補,最適合忙到無時間煲湯的打工仔。

 

煎鵝肝伴黑松露汁是這裡的大熱菜式,厚切法國鵝肝油香滿溢,佐以矜貴的黑松露汁,貴氣!

 

其他人氣美食如煎鵝肝伴黑松露汁、香草烤羊扒等當然亦有供應,即切肉類亦有特級燒牛肉或脆皮豬腩,食肉獸必到!

 

熱食區集齊超過15款多國美食,如避風塘皇香煎三文魚配橄欖油香草汁、日式蕃茄醬燒牛肋骨、XO醬西蘭花斑球、蒜蓉粉絲蒸扇貝、泰式大頭蝦咖喱、意式香草炒青口、避風塘荷蘭龍脷等,當中必食推介有紅酒燴牛尾,廚師每日預先花三小時炆煮牛肉,軟腍入味,帶紅酒醇香!還有印度廚師製作的正宗咖喱牛肉、雞肉,以及多款印度菜式,喜歡香口惹味的不容錯過!

 

記得留肚歎甜品!甜品區亦是這裡的重點,大人細路都鍾意的朱古力噴泉外,還有甜品廚師精製的薰衣草芝士餅、特濃朱古力蛋糕、藍莓芝士蛋糕等,還有即點即製的窩夫!每日即製的燕窩蛋白杏仁茶,美顏燕窩最受女士歡迎。

 

芒果甜品是這裡的招牌,芒果慕絲餅及芒果布甸均採用新鮮芒果製成,芒果迷記得留意喇!

 

最後來一杯(或幾杯)雪糕作結,為完美一餐劃上句號!這裡的Häagen-Dazs雪糕或Mövenpick雪糕無限量供應,有時還有限定口味!

 

有了美食,當然也想暢飲一番!除了本身已包的啤酒、果汁及汽水任飲,只要加$88或$118,即可升級至無限暢飲酒精或有汽葡萄酒!超抵!

 

訂座優惠,隨時折完再折!

想立即大擦一餐?現時於酒店eShop預訂星期一至五自助晚餐,即可享8折優惠;而預訂星期六、日或公眾假期自助晚餐,亦可享有85折優惠。每日首100名經酒店eShop預訂之客人,更可享額外9折!另外亦設有當月生日優惠,生日之星可以半價享用自助晚餐(以原價計算),或免費獲贈1磅生日蛋糕,或紅/白餐酒1瓶(只適用於4人或以上同行優惠)。

 

立即預訂啦!http://bit.ly/2Ds9wWE

 

INFO

8度海逸酒店「鮮味美饌」自助晚餐

地址:香港九龍土瓜灣九龍城道199號

查詢及訂座:2126 1960

推廣日期:即日至2021年4月30日

自助晚餐時間:6pm至9pm

價錢(原價):

星期一至四:成人$498、60歲或以上長者$408、12歲或以下小童$338

星期五、六及公眾假期:成人$538、60歲或以上長者$468、12歲或以下小童$398

酒店eShop訂座:http://bit.ly/2Ds9wWE

注:以上所有價目須另收原價加一服務費

資料由客戶提供

迷你兵團限定版三文治機

↓↓輕鬆烤出不同Minions圖樣↓↓


【神徒福利】教主Anson Lo快問快答大爆料!

↓即睇免費獨家足本專訪↓

more