【大埔美食】大埔牛腩粉店 兼賣大熱芫茜燒賣

大埔牛腩粉店 兼賣大熱芫茜燒賣

發佈: 2021.02.22
文: U Magazine

大埔隱世食店好多,尤其多街坊正店,這間由第 3 代掌勺的牛腩粉店,主打潮式牛腩,仲有唔少罕見部位,牛腩粉絲一定滿意。近期店主更自家製坊間大熱的芫茜燒賣,成為店子最新招牌作。

香港吃到的牛腩分三派,清湯派是清真菜演變而成,吃牛腩原味;柱侯派屬於廣東派,多數是車仔麵的餸,用醬汁將牛腩炆入味;至於潮式滷水派,藥材滷水膽是靈魂,加入牛腩慢慢熬煮,別有風味。」店主Kenneth 是潮州牛腩粉第三代傳人。「阿爺在鄉下潮陽就開始做潮州牛腩。到爸爸來港後,70 年代尾在當時『老虎岩』(現在的樂富)的第六座開了一間名叫『明香園麵家』繼續賣潮州牛腩。我小學已經落舖幫忙;直到 1988 年,徙置區清拆,舖頭便結業。」

5 年前,在銀行界工作了 25 年的他,毅然決定重操祖業,開設潮州牛腩粉麵店,並以父親舊店所在地來命名。最勇敢莫過於選址於區內多間著名粉麵店林立的粉麵街,除了祖傳的煲滷水、煮牛腩手藝,還得到一位經營牛肉檔的世叔伯相助,「爸爸開舖的時候已經向他取貨,現在他繼續供貨給我。」故此從牛腩至牛內臟都有穩定揀手貨。Kenneth 好有創新精神,好似將牛腩融合三文治中,成為芝蛋腩治,口味與別不同。」

港人愛燒賣,傳統潮式粉麵店中出現了魚肉燒賣,亦沒有違和感,近月還追上芫茜潮,推出芫茜燒賣。「是廣福邨冬菇亭『燒賣佬』參叔教我做,將傳統鯊魚肉餡,改為鯪魚肉,拆骨、起肉,混合半肥瘦黑毛豬肉、大地魚粉等,每日新鮮人手打漿、新鮮包製。」燒賣真材實料,每粒約半安士重,原味及芫茜 2 款口味加起來,平均日賣近700粒,有熱辣辣的,亦可以買雪藏 24 粒裝回家自已蒸。

 

老虎岩(第 6 座)潮式粉麵咖啡

地址:大埔東昌街 6-16 號 F 舖地下及閣樓

電話:2638 9933

營業時間:星期一、三至五 11am-6pm,星期六及日 9am-6pm,星期二休息

迷你兵團限定版三文治機

↓↓輕鬆烤出不同Minions圖樣↓↓


【神徒福利】教主Anson Lo快問快答大爆料!

↓即睇免費獨家足本專訪↓

more