有榻榻米位!九龍城日式素食Cafe「一禪NIZEN」 超濃郁小山園純素抹茶撻/天然大啡菇漢堡

發佈: 2021.03.25

【素食Cafe】九龍城一間人氣素食Cafe「一禪NIZEN」,店舖木系裝潢充滿日本風情,加上店內設有榻榻米座位,彷如置身於京都茶館小店,有種遠離繁囂的感覺。店主因素食而接觸到佛學,理解到「禪」的意義,希望可以跟客人專心一致享受大自然的美食,所以Cafe主打多款無味精、無色素的天然新派素食,即睇試食報告啦!

咖啡店提供多款素食供選擇,主食例如有「照燒汁大啡菇漢堡配蕃薯條」($80)。由於店舖主張菜式是不含味精及添加劑,所以大啡菇漢堡中的素漢堡扒不會使用值物肉製造,而會用淮山等蔬菜製成,食落健康清新,蕃薯條味道香甜。

「英式早餐」($80)(含五辛)包括有炒蛋、牛油果、蘑菇、鷹嘴豆、薯餅及自家製酸種麵包,炒蛋夠滑,牛油果營養豐富,兩款主菜份量十足,就算大胃王都夠飽!

【素食Cafe】有榻榻米位!九龍城日式素食Cafe「一禪NIZEN」   超濃郁小山園純素抹茶撻/天然大啡菇漢堡

店舖大部份的菜式都是全素,但為了配合部份客人需要豐富的蛋白質,亦會提供蛋奶素菜式,例如「流心蛋牛油果吐司」($75),配有車厘茄,味道酸酸甜甜好開胃。

小食還有「日式油揚燒」($60)內含有車厘茄、青瓜、本菇、木耳及翠肉瓜,配自家製麻醬食更美味。

Cafe的甜品主打自家製造,由於大部份甜品都是純素,並會用上天然健康食材,所以製作過程都好花功夫,而且不時更換款式,誠意十足!推介「純素抹茶撻」($58),抹茶撻選用小山園抹茶粉製造,抹茶味特別濃郁,而表面用上米漿打成的忌廉,配上黃豆粉更美味。

「純素伯爵茶黑莓蛋糕」($50),伯爵茶海棉蛋糕濕潤不會乾,層層海棉蛋糕中夾有果醬,味道酸酸甜甜,層次豐富。愛飲焙茶的朋友必試「純素焙茶吉士撻」,材料豐富,上面鋪有焙茶忌廉及果仁,整體味道香甜。

此外,店舖的飲品同樣誠意十足,推介「一禪茶」($48),一禪茶是特意找來中醫師調配,由桂花、荷葉、甘草、岩茶及橙皮製作而成,可以幫助消化。另外,cafe亦會用上不含咖啡因的博士茶供選擇。為了支持本地烘焙小店,店舖部份咖啡會由本地咖啡豆沖製。Café Latte鮮奶咖啡($42熱;$45凍)

一禪NIZEN

地址:九龍城賈炳達道128號九龍城廣場UG樓UG18號舖

營業時間:星期一至五08:00 - 19:00;星期六及日08:00 - 20:00

聯絡電話:3613 0133

詳細資料:FB@一禪 NIZEN

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more