佐敦最近新開一間茶樓「海港灣海鮮點心小廚」,提供不同特色點心、小炒及海鮮。餐廳新張期內更有限定$1菠蘿包優惠,外賣堂食均可享用,住附近的街坊不妨落去飲個茶!
海港灣海鮮點心小廚提供不同港式茶餐廳美食,有即叫即蒸點心、燒味、下午茶等選擇,晚上更有海鮮及其他小炒,按下圖睇menu:
為慶祝新店開幕,餐廳更推出限定優惠,每位可享$1試食抹茶紅豆菠蘿包或竹炭菠蘿包(+$2升級菠蘿油),外賣可直接購買,每人限買一個;堂食人均消費滿$20即可享用此優惠,每人限叫一件。每款限量100份,售完即止。
海港灣海鮮點心小廚
地址:佐敦吳松街42-52號大觀樓地下A號舖
營業時間:早上6時30分至晚上10時
電話:35635319