米芝蓮加持 抵食懷舊點心

發佈: 2021.04.28
文: U Magazine

text│Yan、photo│May

嚐囍煲仔小菜和點心皇水滾茶靚,極具舊式酒家的風味,2017 年更成為米芝蓮車胎人推介,老闆林榮康由點心到小菜煲仔飯落足心機做。老實足料,日日早市、晚市都爆場。羨慕西環人有米芝蓮點心食?現在我更妒忌樂富居民,因為嚐囍過海開分店,選址樂富街坊商場。

林先生一向以慷慨,點心也好,小菜也好,抵食夾大件。用料也堅持要新鮮,盡量在成本內物色最高質的食材。新店雖然叫嚐囍點心小廚,主攻點心,店子小巧街坊,原來大部分裝修費用於把廚房打造到酒家規模,嚐囍的馳名煲仔飯和小炒這裏一樣有得食。

林先生沒有厚此薄彼,樂富店也請來五位專業點心師傅坐鎮,不賣弄花巧,最緊要點心皮由零開始於店內自家新鮮搓製,點心全部即叫即蒸即煎即炸。與西環店一樣以傳統點心為主,即使推出新口味,也以懷舊口味改良,例如風味臘腸卷、蜆蚧鯪魚球、黃金炸鮮奶和八寶糕。「我哋點心師傅好多係五星酒店出身,經驗手勢有水準保證。」他說。

八寶糕 $23 
分店以懷舊點心為主,店主請了多位在酒店工作的資深點心師傅主理。當中有很少見的八寶糕,以紅豆和馬豆做的八寶糕充滿豆香,煙韌軟糯。

香煎韭菜粿 $19 

薄薄的粿皮煎得香脆可口,當中炒過的韭菜也有豐富菜香,有點像鍋貼,卻更脆香。

黃金炸鮮奶 $25 
水牛奶細滑熱辣,奶香富豐,炸漿脆口得來,不會影響鮮奶的香氣。香口不膩,要經驗十足的師傅才拿捏得準。

沙律明蝦角 $25 

嚐囍保留傳統口味,只是換上了鹹水角的糯米皮,一樣以新鮮蝦粒和沙律醬作餡,食落皮脆口軟糯,多了重口感。

風味臘腸卷 $25 
臘腸油潤甘香,肥瘦均勻。鬆軟的卷包帶甜,加上臘腸的香味,更加甜美。

【樂富美食】米芝蓮加持 抵食懷舊點心

水晶鮮蝦餃 $29、鮮蝦燒賣皇 $25(後)
懷舊點心為主,店主請了多位在酒店工作的資深點心師傅主理。

【樂富美食】米芝蓮加持 抵食懷舊點心

棉花雞 $30 
軟棉的雞肉和魚肚也大大件,迫爆碟仔,大件夾抵食。魚肚水準好高,無腥味也無雜質,口感綿軟,吸收鮮雞汁精華,水準好高。

店主 林榮康康哥好尊重老人家,西環店每日準時 6am 開舖,就係為服務慣了喝早茶的老人家。西環店做出舊式飲茶風味,應該是拎米芝蓮的原因之一。

 

嚐囍點心小廚

地址:樂富聯合道 198 號樂富廣場匯富坊地下 6A 號舖

電話:6557 3772

營業時間:6am - 12mn

↓【限時搶⚡】日清盈優青汁套裝!↓

↓ 日本製造 / 清爽蘋果味、濃厚白桃味 / 有助維持腸道及皮膚健康!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more