text│TY
這間網店近期崛起得好快，自家製 scone 獲得唔少網友力讚，由全無飲食經驗、讀設計出身的 90 後男孩獨力打理。Jackson 因疫情關係令工作量大減，日日在家中鑽研英式鬆餅食譜，決定逆市開店。開店 10 個月以來，每星期賣逾 600 個，成績相當唔錯。
鬆餅口味多達 50 款，更款款新奇，有紅棗、美祿恐龍麻糬、香草番茄辣肉腸芝士、士多啤梨 Baileys、白兔糖、臘味蘿蔔糕等。起朵作是紅棗味，使用熬製 6 小時的紅棗醬所做，散發陣陣天然棗甜味，一直都係人氣 no.1。記者最愛新品「菠蘿油」，scone 上有層薄薄的「菠蘿皮」，中間夾了 cream cheese 當「牛油」內餡是點睛，芝士口感香滑，口感跟吃菠蘿油神似，但膩感減少。
scone 偏向傳統英式製法，呈圓筒形，腰位有裂痕，食落鬆軟帶有挺度。食譜中多加了忌廉代替部分鮮奶製作，使口感更鬆軟，奶香味更重。 另外選用成本貴人近 2 倍的澳洲麵粉、西班牙雞蛋等靚料。鬆餅只限網上訂購，逢星期日開團，有時一兩日就會滿團，想食就唔好考慮咁耐啦。
【info】
Jackson's scone
購買網址：於 ig 網店 jacksonscone 購買
購買方法：逢星期日 11am 於 ig 店推出訂購連結，每張訂單最少訂購 4 件
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
