text│Sakura photo│Kee
唔知大家對上一次去嘉道理農場係幾時呢？那裏四季都有不同花卉樹木盛開，沿途的一草一木，配吱吱的鳥鳴，感覺唔似香港。原來這裏仲有間素食小店，用餐體驗無敵，因為露天的「用餐區」位於生態多樣的嘉道理山。偶然來吃素散步，好 relax 呀。
園內的小食亭是與新生精神康復會合伙經營，以社企模式營運，店員是協會受助人士，提倡素食文化，主打多款有機健康素菜，如沙律、漢堡包三文治、意粉 pizza、小食和甜品等，選擇種類多，全部均是自家製，蔬菜瓜果是有機的，均由嘉道理農場裁種。食物質素不馬虎，即叫即製的有機豆渣蔬菜 burger，15 分鐘就有香噴噴漢堡，攞上手熱辣辣，麵包選用本地高級連鎖 cafe 供應的意式香草包（Foccaccia），包身烘至脆口，夾着豆渣漢堡扒，豆味原始，口感鬆軟，配多多沙律菜，多菜走肉，健康又美味。
小食亭每日推出 daily special 菜式，例如泰式雜菜炒有機意粉，以泰式辣醬炒製而成，裏面有青椒、芫茜，意粉煮得爽滑，微辣開胃。烘焙食品也每天新鮮出爐，自家製鬆餅簡單滋味，朱古力和綠茶口味皆有綿密鬆軟的口感，行完農場坐低食返個，那天就好完美。
【info】
嘉道理農場素食亭
地址： 大埔林村林錦公路嘉道理農場內
電話：2488 9945
營業時間：9:30am - 4:30pm
平均消費：$50
備註：園區車位有限，需網上預約，並須繳交 $200 按金
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
