熱賣芫茜醬 番茄湯火鍋聯乘

發佈: 2021.05.11
文: U Magazine

text│sieg photo│Kee

本地品牌二澳農作社出的 Masterman Kitchen 芫茜葱青醬賣到斷晒市,主理人私房菜廚師 Masterman 最近跟人氣番茄麵店番茄師兄合作,買番茄師兄的外賣火鍋套餐,就可以加購呢支火旺的芫茜醬。記者仲啱啱收到消息,麵店會預留少量芫茜醬每天在店限量發售,大家可以 walk-in 碰下運氣,但數量有限,售完即止。

這支芫茜青醬係精品版,火鍋預訂版,由 Masterman 可按柯打日子提前即製作,醬料以大量芫茜、葱、巴馬臣芝士、腰果、檸檬、橄欖油及海鹽等製,用超高速的攪拌機將材料打成青醬,同坊間最唔同的地方是材料完全打融、口感非常 creamy,不似坊間賣的只是把材料打碎,口感優勝過人;加上是隨火鍋柯打鮮製,芫茜味非常新鮮,也不是一味得芫茜味,滲有檸酸及蒜香,風味有點似墨西哥青醬,但後勁卻是清新芫茜味。用番茄湯底灼熟食物,以芫茜醬一蘸,茄味茜味夾起,居然多咗份清新。

唔買外賣火鍋,一樣可以試到呢款醬,喺舖頭點番茄麵可加錢追加 1 匙或 2 匙的「小茜」或「爆茜」,番茄麵味再提升,芫茜黨黨員,唔會唔試吧?

【info】

番茄師兄

地址:深水埗基隆街 255 號地下、元朗擊壤路 9 號金寶大廈地下 4 號舖

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more