中環嘉咸街最近新開設美食廣場Graham St Food Hall，提供不同美食選擇，有日式丼飯、Pizza、美式三文治，亦有人氣巴斯克芝士蛋糕等甜品供應。美食廣場更設有戶外座位，可以帶寵物來慢慢歎～
中環新開的Graham St Food Hall(GSFH)提供室內及室外座位，場內設有免費WiFi及充電插座，方便上班一族；而且美食廣場更是寵物友善餐廳，可以帶同毛孩過一個悠閒下午。
Food Hall供應環球美食，搜羅5間不同餐廳，包括人氣巴斯克芝士蛋糕La Viña、主打底特律薄餅的Motown Pizza & Wings等，一齊睇睇有咩美食選擇！
Motown Pizza & Wings
Motown Pizza & Wings供應底特律薄餅，menu提供7款不同口味Pizza選擇，如薄餅墨西哥辣椒蜂蜜辣肉腸、煙燻雞肉牛油果等，配上招牌芝士脆邊。另外餐廳亦有供應蒜蓉麵包條、沙律及水牛城雞翼。按下圖睇精選美食：
Smoke&Barrels
Smoke&Barrels提供不同美式三文治，所用的煙燻肉均是自家製，如煙燻牛腩、煙燻意大利肉腸及煙燻雞肉，另外亦可選燒烤拼盤及Mac n Cheese等其他小食。按下圖睇精選美食：
Hambāgā
這間日式漢堡牛排丼飯提供5款丼飯選擇，有牛肉、豚肉，更有植物肉選擇！客人可自行選配炒蛋或太陽蛋及不同醬汁，如咖哩、蘑菇忌廉汁等。每款丼飯均配以白飯及時令蔬菜，另外亦有供應日本茶及清酒。按下圖睇精選美食：
La Viña
Graham St Food Hall更引入人氣甜品品牌La Viña，提供招牌巴斯克芝士蛋糕及一系列烘焙美食，如Garlic Bun、牛角包、曲奇等。按下圖睇精選美食：
Casa Cacao
另外還有西班牙朱古力品牌Casa Cacao，提供一系列朱古力產品，店家從哥倫比亞、厄瓜多爾、委內瑞拉等地嚴選可可豆，再經過手工分揀、烘焙等過程製作，入口幼滑。朱古力有多款口味選擇，更有禮盒裝供應。按下圖睇menu：
另外美食廣場亦有提供不同飲品選擇，有咖啡、茶、沙冰等不同選擇，另外亦有啤酒、威士忌、香檳等不同酒類選擇。按下圖睇完整menu：
Graham St Food Hall
地址：中環嘉咸街23號3號舖
電話：96120988
營業時間：早上10時至晚上10時
開幕派對：2021年5月22日中午12時至晚上6時
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
