深水埗老字號 冰肉雞仔餅

發佈: 2021.06.24
文: U Magazine

text│潘小熊 photo│Man

老婆餅沒有老婆,雞仔餅裏當然沒有雞仔,但年青的你又知道雞仔餅裏面的肉是甚麼嗎?其實是肥豬肉製成的冰肉,加上南乳及葱蒜等做成,口味特別,又鹹又甜、又脆又煙韌。深水埗一家老字號餅家,至今仍然日日手製這款傳統唐餅,雞仔餅外脆、裏面的肥肉軟糯如軟糖,口感同喺超市或連鎖餅家買到的是兩碼子的事,跨區都要來幫襯。

雞仔餅的外型岩岩巉巉,但仍有不少上年紀的捧場客。深水埗老店均香餅家的雞仔餅是店裏一年四季的大熱餅食,每日烤製五、六大盤,幾乎日日賣清光,有客人甚至瞄準出爐時間一磅一磅地買走。

均香屬傳統前舖後工場的老餅家。記者走入工場看看雞仔餅的出爐過程,聞着烘焙的香氣,看着熟手師傅們摩打手製作雞仔餅餡,幾乎 90% 的工序都人手製作,每一塊都係心機。

老闆吳生說當年學做餅,雞仔餅可說是基本功,材料及做法亦不算複雜,但很花時間。很多長輩愛吃雞仔餅都因為餅內那塊肥肉,均香一手一腳用 2 天製作這「冰肉」。肥豬肉要人手先切粒,再以糖等醃過夜,第二日在大桶裏放入醃好的冰肉與蒜頭、乾葱、南乳、五香粉及糕粉等,餡料變得黏實像軟糖;師傅不停攪拌,再倒在枱面以刮刀反覆撈拌至均勻。製作相當花力氣。餡搓好再包上餅皮後,搓成長條切小粒,在焗盤上再用壓麵棍將整底雞仔餅麵糰壓平,就可以入爐。

15 分鐘後記者就食到熱辣辣的雞仔餅了。質地無敵,餅底微脆、餡料軟糯不黐牙,有麥芽糖的甜香,肥肉與餡料打得均勻,因為日日烘焗,沒有放久了的油膉味,很像兒時在屋邨麵包店吃到的質素。唯一變了,是健康了,老闆娘吳太謂而家啲街坊追求健康,加上吳生覺得近年豬油質素下降了不少,多年前已改用了植物油製作,咦……咁食多幾件都唔怕肥啦!

【雞仔餅的誕生】

【info】
均香餅家
地址:深水埗北河街 205 號地下
電話:2777 0719
營業時間:6am - 10pm

↓【免費送☕】sensory ZERO港幣$300餐飲禮券!↓

↓ 請您食招牌蒲燒三層鰻魚滑蛋飯 / 澳洲M5+和牛溫泉蛋飯 / Crazy Chocolate!


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more