大埔墟熟食中心人氣美食推介！$13籠蝦餃燒賣／超足料花生芝麻糯米糍／炸豬扒

【大埔墟街市】位於大埔墟街市上層的熟食中心集合30多間小店，大部份店舖的食物有質素之餘，價錢都頗便宜，而且更設有冷氣呢！推介好抵吃的點心店，蝦餃燒賣都只賣$13/籠；人氣甜品店熱賣超足料花生芝麻糯米糍；以及上海麵店主打的巨型炸豬扒！有興趣的朋友即睇試食報告啦～

1. 林記點心

這間好抵吃的點心店「林記點心」，店舖提供多款點心及小食，蝦餃、鵪鶉蛋燒賣、叉燒包、奶黃包、牛肉腸、煎堆、蒸飯等等，應有盡有，雖然食物質素不及大型酒樓，但店舖勝在份量十足又抵吃，蝦餃、燒賣都只賣$13/籠，好適合一家大細來飲早茶！點擊下圖睇menu啦：

↓點擊圖片放大↓

+12

+11

林記點心

地址：大埔鄉事會街8號大埔墟街市及熟食中心2樓CFS08-09舖

營業時間：03:00 - 14:00

2. 滑嘟嘟

大埔超人氣甜品店「滑嘟嘟」，主打自家製客家糯米糍（$7/個），糯米糍超爆餡，內有粒粒花生、芝麻及砂糖，十分足料！店舖會先炒好芝麻，並會即日蒸好糯米皮，再開店時即場包好糯米糍，保證新鮮。糯米糍外皮煙韌又軟糯，即使內餡有砂糖，但完全不會甜膩，喜愛吃糯米糍的朋友不妨一試。

↓點擊圖片放大↓

+4

+3

「滑嘟嘟」亦有自家製石磨芝麻糊（$15）及多芒小丸子（$35）等甜品糖水供選擇，芝麻糊濃稠又順滑，充滿芝麻香。至於多芒小丸子的小丸子都是自家人手製，口感煙煙韌韌，夏天吃一流！點擊下圖睇menu啦：

↓點擊圖片放大↓

+6

+5

滑嘟嘟

地址：大埔鄉事會街8號大埔墟街市及熟食中心2樓CFS29號舖

營業時間：12:00 - 20:00

3. 東記上海麵

至於這間上海麵店「東記上海麵」就有好多街坊推介，店舖主打巨型炸豬扒配上海麵（$40），豬扒大大件又充滿肉汁，十分適合喜愛啖啖肉的朋友！至於上海麵麵底頗彈牙又帶點滑溜的口感，值得一試。

↓點擊圖片放大↓

+4

+3

東記上海麵

地址：大埔鄉事會街8號大埔墟街市及熟食中心2樓CSF27舖

營業時間：09:30 - 16:30