海防道熟食檔 人氣沙嗲牛脆脆麵

發佈: 2021.07.01
文: U Magazine

text│潘小熊 photo│May

 

早半年大家蜂擁光顧重開的海防道熟食巿場,在攝氏三十多度的高溫下,熱潮稍退,不過近日場內橫空面世了一款極受歡迎的本地美食,叫一眾為食人士忍着高溫都要一吃的朝聖美食──沙嗲牛肉脆脆麵,記者試過,結論係滴住汗都要食!

在海防道熟食巿場幾十年的佳記,一直有賣沙嗲牛,重開後不久,因為老闆娘愛創新的性格,加上從電視節目取得靈感,創作了這款大熱的沙嗲牛肉脆脆麵。脆脆麵不是簡單的炸麵,因為炸麵做出來口感頗硬,佳記改為先將即食麵略為烚軟,再做半煎炸,做到外脆內軟,這樣就有沙嗲牛麵的味道神髓,又添了脆脆口感,咁都畀佢諗到,抵讚!

脆麵煎好,師傅會將麵隔油及疏氣,以保持兩面香脆。主角沙嗲牛肉,份份都即叫即炒。沙嗲醬每日加工炒製,烘烘烈火把巴西牛冧肉,以沙嗲醬、水、糖、老抽炒香再埋芡,這個略為濃稠汁不算太稠杰,滑溜保持流質,才可以好好地掛在脆麵上。味道無坊間咁鹹,而且醬汁偏多,可以撈勻成個脆麵,啖啖都係沙嗲醬,惹味到令人慾罷不能!加上軟冧的牛肉,記得起勢拌勻才開動!好滿足呢!佳記還有一個終極隱藏版美食──沙嗲牛肉西多士!蛋香十足的西多士內藏了沙嗲汁豐富的沙嗲牛,加上糖漿一齊食,鹹鹹甜甜超夾!未試過都唔好自認係沙牛迷呀!

【info】
佳記
地址:尖沙咀海防道 390 號熟食中心地下 CF8 號舖
電話:9347 7271(外賣自取)
營業時間:6:30am - 6pm

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more