精選8間必試抵食本地車仔麵 秘製咖哩魷魚/牛腩/沙嗲豬頸肉/瑞士雞翼/滷水豬大腸

發佈: 2022.01.10
文: 陸嘉敏

除了茶餐廳之外,車仔麵可說是經典本地平民美食,特別之處在於選擇十分豐富,而且可以按個人口味配搭出自己獨特的車仔麵,而且價錢較經濟實惠, 以下就為大家挑選了全港8間抵食又高質的車仔麵店,其中更有獲得米芝蓮推介,大家記得Mark低地址啦!

 

1.華記潮州滷水車仔麵

位於太子的華記屹立多年,主打滷水湯底,前陣子細舖搬大舖提供更多堂食雅座。滷水膽沿用十年以上,大部分配料都是由滷水熬煮,非常入味。五餸車仔麵最受歡迎,包括蘿蔔、紅腸、大腸、魚肉春卷和豬臉頰肉,白蘿蔔入味冇渣,豬腸乾淨彈牙。除了車仔麵外,特色小食太陽餅也是必食之選,由原隻鮮蝦、墨魚肉、鯪魚肉製成餡再即叫即炸而成的蝦餅,香脆滋味。

華記潮州滷水車仔麵 (總店)

地址:界限街34號

 

2.麵尊

這家港式車仔麵店是港島區車仔麵的人氣店,麵和餸份量足,3餸麵價錢合理。除了大路車仔麵餸例如豬腸、豬紅、魚蛋、鴨腎等,連酸齋、美味齋、炸魚皮、咖哩牛柏葉都有供應。麵尊亦有套餐「細尊」和「大尊」選擇,可以試勻不同食材。另外,麵尊的辣醬非常有名,喜歡辣的朋友一定要試試它的辣汁,絕對會一試上癒!

地址:上環蘇杭街22-24號1號舖/銅鑼灣登龍街18號V Point地下5號舖

 

3.車仔麵之家

位於灣仔的車仔麵之家雖然店舖細細,主要以立食為主,但不時都會有一大群人在門外,其中小店的咖喱魷魚和酸齋則最受歡迎,令人一試難忘呢!酸齋味道不會過甜,麵筋炸過後香口並有咬口,推介大家試試~

地址:灣仔晏頓街1號A

 

4.文記車仔麵

講起本地車仔麵,這間就不得不提。文記車仔麵一條街已有3間舖,依然經常要大排長龍,在2018年更獲得《米芝蓮指南香港澳門》的街頭小吃推介,值得一試呀!推薦店內招牌瑞士雞翼和魷魚做得相當不錯,雞翼入味嫩滑,魷魚香味十足。

地址:深水埗福榮街121號地下

 

5.榮記粉麵

超過廿十多年歷史的「榮記粉麵」,經常門外都大排長龍,同時亦吸引不少外國遊客慕名而來,餐廳裝修仍然保留了傳統茶餐廳的佈置,他們車仔麵的湯底十分濃郁,下次去銅鑼灣記得一試啦!

地址:銅鑼灣糖街27號A地下

 

6.三不館車仔麵

餐廳裝潢復古,除了牆身綠磚,還可以在天花看見各類舊式招牌,充滿懷舊風情。推介嗜辣的朋友可試大廚的得獎四川麻辣汁,香口惹味,而不嗜辣的可選鮮甜茄湯,車仔麵餸則推薦蝦卷、豬腸、辣魷魚、瑞士雞翼、豬頸肉等。小食則推介:招牌麻辣豬手,入味大件,口水雞、辣蒜孜然雞翼,風味十足。

地址:大埔廣福道88號地下/荃灣登發街10號地下

 

7.明明車仔麵專門店

餐廳位於灣仔,裝潢有心思,以舊式冰室為設計。必點蒜辣汁重蒜香惹味,咖喱魷魚爽口彈牙,甜酸齋、瑞士雞翼、冬菇、溏心蛋亦推薦。小食口水雲吞夠入味,蒜味雞尖刺激香口。樽仔奶茶香濃順滑,可以一試。最近,餐廳與網上平台合作推出優惠,有自選四餸車仔麵套餐、大什麵套餐及招牌麵提供,包括多款招牌餸菜及附送飲品,有興趣的朋友可>>按此購買<<

地址:灣仔軒尼詩道290號地下

 

8.唐記粉麵小食

隱藏於後巷之間的唐記粉麵小食,不少生於屯門的人都非常推介,亦是他們的兒時回憶,甚至有人在討論區指唐記是全港最好味的車仔麵,價錢便宜之餘,食物的質素也十分不錯!

地址:屯門鄉事會路94-110康利中心25A

 

 

圖片來源:IG@chubbykiukiuIG@fooodologyIG@kelvinwaterIG@my_love_4foodFB@車仔麵之家IG@ahyinnIG@ling_530_linlinIG@oscarocFB@麵尊FB@華記潮洲滷水車仔麵FB@三不館車仔麵大埔

 

↓【限時搶⚡】Ísey Skyr健康冰島乳酪套裝!↓

↓ 使用比普通乳酪多近4倍的牛奶!/ 好像Gelato義式雪糕一般的口感!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more