放假一於去掃街試勻美食啦!今次去5間屋邨和街坊小店尋寶,搜羅10款平民小食,包括油麻地、佐敦嘉多利餅屋日賣700個的法式布丁包、炒蛋餐肉包;粉嶺聯和墟的$9.5原隻雞髀包、鹹牛肉蛋餅、炸壽司、拉絲芝士條,還有沙田日賣過千條的腸粉,快Bookmark地址啦!
1. 嘉多利餅屋
港式麵包店「嘉多利餅屋」在油麻地、佐敦均有分店,用料講究,絕不是空心麵包!推介近期每日熱賣700個的法式布丁包,外脆內軟,布甸滑溜Creamy,還有足料飽肚的炒蛋餐肉包、紫薯麻糬包、台式3Q餅包等。
嘉多利餅屋地址+開賣詳情:>>>【油麻地美食推介】港式街坊足料麵包鋪嘉多利餅店 $15法式布丁包/抵食炒蛋餐肉包/爆餡芝士吐司/台式Q餅包<<<
2. 漢興茶檔
粉嶺聯和墟茶餐廳「漢興茶檔」主打超厚身鹹牛肉蛋餅,每份足足用上一隻半雞蛋,蛋餅厚身軟綿又鹹香,配烘多士還可自製鹹牛肉蛋治!另外茶記的雞翼麵和豬扒麵都好受歡迎。
漢興茶檔地址+價錢:
3. 協香麵包西餅
舊式麵包舖「協香麵包西餅」位於粉嶺聯和墟,主打全港首創的原隻豉油雞髀包,只需$9.5,大件夾抵食!麵包店還有港式蛋撻、有菠蘿餡的菠蘿包、椰絲奶油包等,有不少街坊來買麵包做早餐或下午茶點。
協香麵包西餅地址+價錢:
4. 雲津小食
去粉嶺聯和墟掃街必試小食店「雲津小食」的炸壽司,外層香脆,同時保留到飯粒煙韌口感,連電視台都有介紹過~另有即叫即炸大雞髀、蜜糖炸燒賣、拉絲芝士條、香辣糯米雞翼、酥炸魷魚嘴等,有不少學生哥和街坊捧場。
雲津小食地址+價錢:
5. 港鮮人氣腸粉
沙田禾輋邨的人氣屋邨小店「港鮮人氣腸粉」日賣過千條腸粉,店舖不計成本特意訂製卷幅不同的腸粉,配合特別秘訣去蒸熱腸粉,令腸粉軟熟又彈牙,跟秘製麻醬和甜醬好夾~小店還有售魚蛋燒賣、碗仔翅、陳村粉和銀針粉等。
港鮮人氣腸粉地址+詳情:>>>沙田人氣小食店日賣過千條腸粉 食落軟熟又爽口/麻醬稠身香濃<<<