廟街糖水第三代 10CM 足料鮮果雪山

發佈: 2021.07.29
文: U Magazine

text│Yeon photo│Jay

這間糖水舖嘅刨冰,百分百用足料,用新鮮水果加冰和冰糖製作,刨冰綿密堅挺,有冰感之餘、質地超細滑,比坊間鎅口的糖水刨冰質量高幾班。其他甜品也揼本,全用真生果製作,識食之士一吃便知龍與鳳。

叫得做「菓之店」,最強當然是水果類甜品。所有生果每天由幾個相熟果欄生果檔來貨,菲律賓呂宋芒、馬來西亞 D24 榴槤、泰國椰皇質素都拍心口一定香甜足味,用來做冰鎮雪山系列超出色,有芒果、西瓜、士多啤梨、荔枝和椰子 5 款口味,冰和水果比例拿揑得超精準,唔會冰多水果少,刨冰打得挺身綿滑,做出介乎思樂冰及雪葩的質感,口感幼滑又具冰感,果味好重,甜度天然,吃幾啖已 feel 到成個人降晒溫!如車仔麵般自選加配水果或芋圓、啫喱、黑糯米或珍珠等配料,想有幾豐盛自己話事。

榴槤奶凍最揼本。奶凍一上枱,D24 榴槤飄來撲鼻的香氣,震騰騰的軟滑奶凍旁是 5 大球榴槤果肉,榴槤控會超級滿足;伴碟的椰汁更是驚喜位,亳不吝嗇以新鮮椰皇水跟椰汁調成,椰子味清甜又濃郁,才 $52,太足料了!

老闆劉生出身自糖水世家,爺爺 70 年代在廟街賣中式糖水。推介大家來一定要試招牌太極,便可一嘗他們自家配方做的芝麻糊拼合桃糊,每碗都拼出完美的太極符號,是劉生引以自豪的原創出品!

【info】
菓之店
地址:大圍田心街 20 號雲疊花園 2號
電話:3580 1126
營業時間:3:30pm - 1:30am(10pm 後只供應外賣自取)

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more