慈雲山榮記茶餐室首創的港式沙嗲牛煲仔麵一直是香港沙爹牛肉麵關注組的人氣推介，最近榮記茶餐室宣佈在旺角花園街開新分店「煲仔榮記」，預計8月中開業！以後去旺角都食到小店的特濃煲仔沙嗲牛肉麵和煲仔飯～榮記茶餐室暫未公佈旺角煲仔榮記新店的Menu菜式，想緊貼最新消息就記得留意U Food之後的報導啦！
↓點擊圖片放大↓
Click圖睇必食推介：
必試榮記茶餐室獨創的沙嗲牛煲仔麵，另外流浮山金蠔蝦乾煲仔飯、拉絲芝士煲仔飯、豉汁白鱔煲仔飯都是大熱之選，大份足料。
沙嗲牛肉煲仔麵的精髓在於跟香港老字號醬料廠「綿香」共同研發的秘製沙嗲醬，有「沙嗲界Espresso」之稱，加入大地魚粉、蝦米粉，特別香濃惹味，帶微辣後勁！小店不用花生醬，落重料花生碎，可食到花生的起沙口感，沙嗲味更濃郁又沒那麼油膩，加上以厚身瓦煲加熱，夠晒熱辣辣。至於本地鮮牛肉選用牛冧位（牛臀部），超大片又有肉香味，配出前一丁公仔麵跟綿密豆卜，吸收了沙嗲汁精華，沙嗲越食越濃稠，公仔麵食到最後麵質也不會變腍～
流浮山金蠔蝦乾煲仔飯同樣有驚喜，金蠔大隻飽滿，鹹鮮十足，加上蝦乾，味道鹹香。
↓點擊圖片放大↓
煲仔榮記
地址：旺角花園街1號鴻禧大廈地下K號舖
開業日期：預定8月19日
部分圖片來源：FB@慈雲山榮記茶餐室
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
