ERROR 熱捧居酒屋 和牛茶漬飯 蟹膏燉飯

發佈: 2021.08.04
文: U Magazine

text│Amy

在旺角黑布街開業 2 年的申子居酒屋,氣氛好、菜式特別又做得有水準,一直是區內的人氣店,人氣組合 Error 的肥仔都係熟客。小店最近踩埋入港島區開分店,新店大咗,座位數量卻與旺角店差不多,增設了多個包廂式卡座。

新店多了不少限定創作菜式,用料亦較高檔,香港人鍾意油香澎湃的和牛,新增的和牛燒及和牛茶漬飯就不可不試,前者用上超大片的鹿兒島 A4 和牛西冷配以小飯糰及日本蛋黃,即席在客人面前用火槍炙燒逼出油香;後者也誇張,和牛放滿飯面,倒入西尾抹茶嘉美雞濃雞湯,和牛半熟,兩款食落大滿足之餘,視覺效果也一流!

同是新出的極上蟹膏蟹肉燉飯都好吸引,燉飯用大量蟹肉、蟹膏及龍蝦湯煮成,再放埋原個蟹蓋做裝飾,好睇又好食。午市限定的原條深海池魚定食坊間較少見,師傅將細條的深海池魚做成三食,一半做刺身,另一半則蘸粉輕炸 10 秒至半熟,都值得試。

店主阿希是唎酒師,想歎清酒又不懂如何選不妨讓她代勞。店內清酒不少都是獨家代理的,風格百搭襯到大部分居酒屋菜式,為了同客人有更多互動,即將會每晚都開一支清酒免費同客人 happy share,炒熱氣氛。

ERROR 熱捧居酒屋 和牛茶漬飯 蟹膏燉飯

【info】
申子居酒屋
地址:銅鑼灣渣甸街 50 號渣甸中心 9 樓
電話:5998 9108
營業時間:12nn - 10 pm

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more