西營盤新開親民價日本菜餐廳「花見山下」 抵食手握壽司/蒲燒鰻魚飯/玉子燒/日式料理便當

發佈: 2021.08.27
文: 黃詠恩

西環西營盤有間日本菜餐廳「花見山下」新開張,餐廳走抵食親民價路線,午市套餐$68就食到8件壽司,性價比高~小店的手握壽司用上Omakase級刺身食材,另有魚生丼、蒲燒鰻魚飯、玉子燒等日式料理選擇。吃貨快Bookmark地址下次去食啦!

Click圖睇Menu:

「花見山下」供應多款新鮮刺身壽司,招牌花見十貫($238)的手握壽司嚴選Omakase級食材,以超值價錢可食到高質壽司。另有極上刺身拼盤,有齊海膽、拖羅、牡丹蝦、甜蝦等刺身。

必食午市時段的平民價Lunch Set,包湯品、兩款前菜和甜品。推介八件壽司盛($68)、三文魚丼($78)、雜錦魚生丼($78)、原條鰻魚飯($98),足料大份。

餐廳現在推出優惠嚐鮮價,$79就食到長畸縣岩蠔「樁」或宮城縣真蠔「獨眼龍」,肥美鮮甜。

小店的招牌玉子燒($68)即叫即製,有明太子、蟹肉和黑松露等口味,玉子燒入口濕潤鬆軟,帶蛋的甜香。自家製茶碗蒸同樣有驚喜,口感滑溜,加上海膽三文魚籽或海鮮等配料,令鮮味更昇華。

偏好熟食的朋友亦有多款日式便當定食選擇,包括日式吉列豬扒、蒲燒原條鰻魚、蒲燒鯛魚腩、日式炸雞、日本霜降一口牛、燒汁肥牛。另有溫泉蛋牛肉鍋加手打烏冬、日式豬軟骨烏冬等。

炸物和小食方面有鐵板牛肉燒日本廣島蠔卷、吉列炸蝦、生芝士餃子釀雞翼等,香口惹味。另有沙律等輕盈清新之選。

下次去西營盤覓食時不妨試試這日式餐廳!

花見山下

地址:西環西營盤第一街129號順泰大廈地下1號舖
營業時間:11:30am - 4pm|5:30pm - 10pm(逢星期一休息)
電話:9856 4890

睇埋千層蛋糕網店:

圖片來源:IG@hanamiyamasushi

↓【免費送🎁】微熱山丘全新造型香蕉窩夫餅乾禮盒100盒!↓

↓ 進駐香港十週年大贈送│送埋香港獨家限量版布袋~↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more