籃神卡一星期火速售罄 全港麥當勞分店都無貨!麥當勞:全數換完不再加印

發佈: 2021.09.01
文: 李欣怡

麥當勞推出Mirror籃神卡,一連3週推出姜濤、Anson Lo和Edan精選優惠券。不少鏡粉都為抽籃神卡而狂食麥當勞,部分分店未到lunch時段就已經售罄,網上平台亦見炒價籃神卡。而今日Anson Lo教主週就推出$18珍寶薯條,不少網民都表示一到11點就經已售罄,紛紛要求補貨!不過麥當勞官方就回應籃神卡已全數換完,令尚未儲齊款式的鏡粉感失望。

為儲齊1套8款籃神卡,過去一星期相信不少鏡粉都為抽卡而密密食M記。上週開始網上平台已有人炒賣籃神卡,少則數十元,亦有人賣數百元一張。

今日(9月1日)的限定優惠為$18珍寶薯條,昨日麥當勞釋出預告時,已有不少神徒留言表示要「聽教主話去食垂直的薯條」,不過今早11時一開賣已有網民表示無貨,全港分店更在半小時內火速售罄。

不少鏡粉都希望麥當勞今日會再補貨,亦有神徒表示教主週就算沒有籃神卡亦會支持。而麥當勞官方就回應籃神卡已全數售罄,大家又儲齊款式未?

明後日及下週會繼續有教主及Edan的精選優惠券,各位鏡粉記住留意喇!

【籃神卡炒價】籃神卡一星期火速售罄 全港麥當勞分店都無貨!麥當勞:全數換完不再加印

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more