抵食牛扒套餐 298 元起 4 道菜熟成牛 + 西班牙火腿

發佈: 2021.09.13
文: U Magazine

Forkers 隱身在土瓜灣某小巷,唔做午市,低調得常令人懷疑係咪從不開舖營業。小店有唔少好評,全因她引進高檔 steakhouse 的 dry-aging 牛扒,價位比中環的高檔扒房平一截,吃過都有讚無彈。

幾位老闆從美加回流,由細到大食靚扒,食到嘴都刁晒,中上環、酒店級扒房已滿足唔到佢哋。在這個小舖,更開始做自家熟成牛扒,最瘋狂是投資埋西班牙農場,獨家入貨 48 個月黑毛豬火腿和黑豚肉,講究到一個點!

餐廳只做晚市,餐牌簡單,每位 $298 無加一,已有自家農場直送的橡果飼養 36 個月西班牙黑毛豬前腿(Paleta)、餐湯,美國安格斯封門柳做主菜,連埋甜品共 4 道菜,粗薯條和沙律更可無限任吃。

要求高一點,每道菜都可加錢升級,推介加 $68 轉吃 48 個月西班牙黑毛豬手切後腿(Jamon),這是火腿中的極品,以自家投資於西班牙西南部農場放養的黑毛豬、全手工製作,入口軟嫩無筋,帶脂肪香,火腿的甜香味道慢慢在口腔釋放,相當高質!主菜加 $198 可 upgrade 做乾式熟成 45 天以上的美國 prime 級 ribeye,比坊間熟成 21 日的,牛味更濃、肉質更柔軟,簡單調味便可,煎至 medium rare,入口肉香四溢,好味到鋸扒期間想專注咀嚼、唔想講嘢。

也有不定期推出的廚師精選,都是自製手工美食。好像香烤蟹餅、新鮮馬友魚柳、自家熬製的虎蝦濃湯、法式油封鴨腿等,都是不惜工本的手工出品。埋單比中上環平上 1/3,識食之士今次識路了吧!

【info】
Forkers
地址:土瓜灣鴻光街 5 號
電話:9235 1875
營業時間:6pm - 10pm

同場加映:
【搵食熱話】銅鑼灣三層高精品超市旗艦店

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more