元朗祭典裝修水產店 迷你漁市場玩拍賣

發佈: 2021.09.13
文: U Magazine

text│Amy

大西北的朋友想吃有水準的日本菜,唔使次次都出中環同尖沙咀嘅,元朗都有好選擇。馬田路最近開了一間逾 5,000 呎的水產店,店主每次去日本必定會幫襯日本的水產店,因為疫情都無得飛,索性自己開,將日本水產店的熱鬧氣氛帶入元朗。一入這店沒令人失望,門口右邊足有半個人高的大達磨非常搶眼,左邊又有一排日式燈籠組成的打卡牆,好有氣勢,彷如去了熱鬧的日本祭典,步入用餐區,不但天花都掛滿日式布藝裝飾,店家還劃出一個迷你「漁市場」,多個魚缸放滿當日供應的活海鮮……差點以為自己返咗鄉下。

店子最近還推出日本水產店常常舉辦的拍賣活動,務求令店內氣氛推至高峰,逢星期一至四每晚會隨機抽幾款清酒、果酒做拍賣,底價 $1 起,每口價 $10,食客齊齊叫價,價高者得,分分鐘有機會以低價購得心頭好!夾唔啱拍賣時間來幫襯,也有新張期間優惠,每晚 8:30pm 後所有酒類有半價優惠,務求大家都飲到平平清酒,人人盡興而歸。

來吃當然為了水產,有日本直送的冰鮮魚類、也有來自世界各地的活海鮮。海鮮食法多樣,像波士頓龍蝦、澳洲龍蝦、活鮑魚、大蜆等活海鮮,可以像去了日本水產市場般走到魚缸前親自挑選,師傅會即撈即劏,海鮮本身夠新鮮,簡單燒熟已很鮮味,想懶到底的,還可請師傅代勞於廚房燒熟上枱。

日本冰鮮魚類水準也不錯,有魴鮄魚、鯛魚、深海池魚等,視乎當日飛機貨而定,做成兩食最受歡迎,魚肉用來做刺身,剩下來的魚頭、魚骨都不怕會浪費,師傅會將它們煮成奶白濃郁的魚湯,非常鮮味。店內仲有不少水產做的美食,記者覺得最吸引係蟹甲羅焗飯,珍珠飯上鋪滿特調的蟹膏、飯素及一點松葉蟹肉,整體美味度一點也不輸尖沙咀的水產店㗎!

【info】
豐森水產
地址:元朗馬田路 80 號御庭居商場地下 6-8 號舖
電話:2944 3336
營業時間:11:30am - 2:30pm、5pm - 11pm

同場加映:
【搵食熱話】銅鑼灣三層高精品超市旗艦店

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more