終於有藉口去機場喇!亞博館潮食Arena Kitchen和牛盛宴

發佈: 2021.09.20
文: U Food

無得飛一樣可以去機場兜返轉!淨係去潮拜一下啱啱攞咗「我最喜愛食肆選舉2021」嘅Arena Kitchen已經值回票價!Arena Kitchen主打時令優質食材,搜羅本地有機蔬菜,務求將食材原味新鮮呈現;環境簡潔而帶點奢華風,嚟慶祝紀念日夠曬grand;近日推出多款以和牛做主角嘅菜式更係必試之作,配埋精緻甜品同精選紅白餐酒,美酒佳餚即時擁有!

 

頂級國際認證 體驗超班滋味

經過全面翻新後,重新開業唔夠一年嘅Arena Kitchen深受東涌居民及機場員工歡迎,仲攞到「我最喜愛食肆選舉2021」奬項,原來背後班底大有來頭!主理餐廳嘅專業團隊擁有超過40年經驗,行政總廚及餐飲主管更獲得法國國際美食協會(Chaîne des Rôtisseurs)認證,咁有實力梗係贏盡一眾嘴刁食家認同,即刻睇吓以和牛做主角嘅推介菜式啦!

 

必食菜式推介1:澳洲和牛漢堡

單係件漢堡扒已經有2cm厚,主廚特別揀咗脂肪較低但肉味更香濃嘅澳洲和牛製作,再以慢火煎熟就可以保留juicy口感,配上新鮮爽脆嘅本地溫室水耕生菜、番茄、蘑菇、洋蔥及酸黃瓜等,加埋隻微微燶邊嘅太陽蛋,口感層次豐富,每口都係極致享受。

 

終於有藉口去機場喇!亞博館潮食Arena Kitchen和牛盛宴

必食菜式推介2:期間限定—炸和牛三文治伴雜菜沙律配煙辣椒粉薯條

當肉質嫩彈、脂香豐腴嘅日本和牛肩,與噴上麥茶再烘至甘香嘅鬆軟麵包合而為一,再塗上主廚特製醬汁後,每口都溢出濃厚牛香;就連伴碟薯條都花上心思,撒上特調煙燻紅甜椒粉,完美平衡和牛油膩感,味道更昇華。

 

終於有藉口去機場喇!亞博館潮食Arena Kitchen和牛盛宴

必食菜式推介3:期間限定—烤薄和牛黑胡椒柚子汁配紫薯沙律

想食到最講究嘅和牛,就一定要試呢道菜!只揀選牛肩最精華嘅上半部分,大廚再逐件仔細切斷牛筋,令和牛口感更軟嫩;加入少許鹽輕炙烤約5秒,完全保留原汁原味。配上用日本紫薯打成蓉嘅沙律,清甜美味,與黑胡椒柚子汁成為絕配。

 

健康推介:紫薯蘋果石榴藜麥沙律

營養成分極高嘅日本紫薯泥配上低卡高纖嘅超級食物藜麥,已經夠睇頭,加埋有機水耕蔬菜、蘋果及石榴,酸甜交錯嘅口感絕對能刺激味蕾,亦係注重健康人士必選菜式。

 

終於有藉口去機場喇!亞博館潮食Arena Kitchen和牛盛宴

甜蜜推介:抺茶慕斯雲尼拿雪糕伴十勝紅豆薄餅

以出名茶味甘香濃郁嘅宇治抹茶作慕斯,帶嚟綿密細緻嘅口感,薄餅內除咗奶油忌廉外,中間再置上一層脆筒,形成外軟內脆嘅滋味,配埋幸福感滿分嘅十勝紅豆,為晚餐畫上完美句號。

 

Arena Kitchen

「和牛饌嚐之旅」

供應日期:即日至2021年10月31日

地址︰亞洲國際博覽館1樓

訂座及查詢︰3606 8126

營業時間:星期一至五8:00am - 7:00pm及大型活動期間

Facebook:Arena Kitchen

網址:http://www.asiaworld-expo.com/ak

資料由客戶提供

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more