text│Katty photo│Wyman
這間位於第一街的西餐，主打啤酒及牛扒，定價親民，鋸扒歎啤酒 $200 內搞掂！老闆之一 Liz 定居澳洲 10 多年，曾在當地經營餐廳和酒吧，與開過幾間餐廳的男友 Marco 開設這店。
Liz 覺得香港餐廳的酒水賣得太貴，飲一杯連加一要過百蚊，下下就住飲好無癮：「我們的啤酒 $28 起，最貴的手工啤都只是 50 幾蚊，不設加一，喺酒吧飲 1 杯等於這裏飲幾杯。」飲啤酒可以配牛扒，主打的美國安格斯平鐵牛扒，跟沙律及薯條都只是 $128，海鮮仲可以逐件加，自製海陸大餐 Surf & Turf 也不過 $200！
兼任主廚的 Marco 選用脂肪比例適中的牛肩脊，有 order 才灑上香料調味即烤，加點牛油帶點焦香，5 成熟上枱，飄來濃郁的牛扒香味，令人食慾大增。自家製肉汁也是靈魂，這個肉汁不會很濃，用上牛骨及多種蔬菜煮成，以較重蔬菜的甜味吊起牛肉的甘香。配角薯條也堅好吃，Marco 把他最愛的「雞鹽薯條」放進 menu，雞鹽在澳洲非常普遍，但在香港卻找不到，Marco 唯有有請教澳洲的廚師朋友，用蒜粉、洋葱粉等自行調製，雞鹽一下非常惹味，好食到停唔到口！
【info】
The Bottle & Steak
地址：西環西營盤第一街 5 號地舖
電話：6292 4152
營業時間：12nn - 11pm
---------------------
同場加映：
【搵食熱話】CP 值高 連鎖咖啡店登陸香港 $25杯Latte 港式口味咖啡
