text│Yan photo│May
10 月雖然是大閘蟹上市的月份，但水上人家每逢入秋必食的奄仔蟹，其實都仍然當造。同大閘蟹比，奄仔蟹膏特別鮮甜清香，肉質也特別嬌嫩。奄仔蟹當造期大約 11 月初會開始「收膏」、變成重皮蟹，識食嘅當然會把握 10 月這個當造期，盡情享用其奄仔的黃金蟹膏。記者推介大家來以蜑家菜為主打的大澳德發，試試銅鑼灣新店推出 的 $398 任食奄仔蟹 2 小時放題，搏老命食返 3、4 隻既可大飽口福，又可輕鬆回本。
餐廳每朝從長沙灣漁市場取貨，來自菲律賓的奄仔隻隻最少重 3 両，到店時仍然眼仔碌碌腳撐撐，新鮮生猛。海中鮮，鹽焗最能發揮其鮮美度，因此放題也以鹽焗奄仔為主角。奉客方式也有誠意，蟹不是在廚房預先焗好的，有客人點菜才劏，放在鋪了澳洲粗鹽、八角和香葉的陶鍋內，生蟹連爐上枱，畀客人看看靚奄仔質素。奄仔邊焗邊散發蟹的鹹香，隔幾張枱都聞到。打開煲蓋，奄仔由青色變成令人食慾大增的鮮艷橙色，熱辣辣香噴噴，記得趁熱食啊！餐廳也慷慨，焗好一輪，可以即時再追加，唔想浪費客人狂擦時間，有客人最高紀錄 2 小時內一口氣吃下 10 多隻奄仔，想食窮老闆似乎也不算困難！
記者幫大家檢查過奄仔質素，拆開蟹蓋，黃金蟹膏爆滿，蟹蓋上的蟹膏則可以用匙羹舀來吃，蟹身布滿金黃色軟膏，像流沙奶黃一樣、也有固體的橙膏。軟膏細滑甘香，硬膏像月餅中的鹹蛋黃般充滿鹹香，更帶有海蟹的鮮味。負責人說：「我們不介意客人只吃膏不吃肉。」但記者反對，因為蟹肉水準不錯，嫩滑富蟹味，沒半點霉！
放題除了無限量供應奄仔外，更包白飯、例湯任裝，飲品或啤酒一杯，每人更可選擇 1 款小菜，愈多人來吃，小菜愈多，一枱都係餸特別豐富。小菜選擇有豉椒炒花甲、黃酒煮滑雞和冬菜銀魚蒸肉餅等近 20 款選擇。想吃唔好猶豫了，因為過了 11 月，再嘗奄仔要等到 2022！
【info】
大澳德發
地址：銅鑼灣謝道 477-481 號肇明大廈 1 樓及地下 A 號舖
電話：2154 0188
營業時間：7am - 11pm
收費：現金及信用卡，星期一至四不設加一，星期五至日及公眾假期設加一
交通：港鐵銅鑼灣站 C 出口
泊車：銅鑼灣廣場二期 $32 小時
備註：1. 任食奄仔蟹放題於 6pm-10pm 供應，銅鑼灣店限定
2. $398 任食鹽焗奄仔蟹放題限時 2 小時，每人包 1 款自選小菜及冷熱飲品或啤酒
同場加映：
【搵食熱話】CP 值高 連鎖咖啡店登陸香港 $25杯Latte 港式口味咖啡
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
