荃灣海之戀Donki最近裝修擴建重開,除了早前宣布將開設「鮮選壽司」外,分店更增設雪糕站,美食廣場一旁亦新增屋台小食街,提供不同日式掃街熟食美食,一齊睇睇荃灣Donki有咩食啦!
驚安的殿堂Don Don Donki登陸香港後快速擴充,在多個大型商場都有分店。早前荃灣海之戀就裝修擴充,於上月底重開,更同步宣布開設全球首間Donki迴轉壽司「鮮選壽司」,將於10月底開幕。
除了「鮮選壽司」外,美食廣場會繼續保留,而另一邊就增設「情熱屋台」。
「情熱屋台」有多個攤位提供不同日式小食,如招牌關東煮、燒粟米、烏冬等熟食,還有多款口味的蕨餅牛奶特飲。按下圖睇有咩美食選擇:
另外正門亦會新增雪糕站,提供DONKI招牌北海道牛奶軟雪糕,還有全新乳酪及巨峰提子味。
DONKI荃灣海之戀店
地址:荃灣大河道100號海之戀商場2樓2001號舖
營業時間:早上9時至凌晨1時