text│Vera photo│Man
這幾年，市面多了狗仔粉店，但真心，好吃的少之有少。記者在屯門龍門居食街，找到一間掂擋狗仔粉專門店，每日平均日賣 100-200 碗，受歡迎，好大原因手工度好高，不試不知好味道，記者就入屯門探探它虛實。聽店名以為真係有個麻甩佬整狗仔粉？錯喇！店主是位嬌滴滴的女生阿心。
狗仔粉，最重要當然係粉啦！阿心最初自己搓粉整狗仔粉，但礙於人手應付不了極大產量，於是將自己研發的狗仔粉配方交予麵廠特製。粗如上海粗麵，約 1.5 吋長。「我要求粉仔長度剛好放在匙羹上，每羹都食到粉仔又飲到湯。如果粉仔太幼會好易腍，食落無咁彈牙，而家的粗度，口感特別煙韌，索到湯又唔會食落成口粉。」她說。
阿心唔怕煩，處理狗仔粉時會除去粉仔面的粉粒，令到粉仔滑身不嚡，這小小技巧原來有大大功效。也不像坊間般，成煲粉仔由朝煮到晚，阿心每次只會把少量粉仔加到湯中煮，差不多賣完再加粉煮，確保狗仔粉煮得耐都爽口煙韌又索到湯。她討厭味精，湯底用心熬不加味精，用了好多材料，包括豬骨、冬菇絲、蝦米熬 6 小時以上，熬至奶黃色，材料鮮味都融入湯中，湯味好鮮甜。
她嘴刁，所以用的配料都係豪華，唔係求奇用菇碎就算，冬菇指明用菇香味重的花菇，蝦皮用無漂色、鹹鮮味搶的蝦米，配上自家炸到乾爽不滲油的脆卜卜豬油渣、切得細碎食落不硬又不死鹹的爽口菜脯，成碗粉仔配搭香上加香，暫時是記者吃過最好味的粉仔。嫌屯門遠的讀者，長沙灣都有分店，仲有位坐可以慢慢食。
【info】
麻甩佬狗仔粉
地址：屯門龍門路 43 號龍門居二座 35 號地下
電話：3702 0489
營業時間：11am - 1am
同場加映：
【搵食熱話】師傅愛你! OM7G試食譚仔新出米線 滷汁牛肚蜂巢豆腐香辣鮮番茄湯米線
