深水埗新地標南楓樓 轉角日系 Cafe / 歎泰國船麵 

發佈: 2021.11.08
文: U Magazine

text│Sakura

位於太子與深水埗交界嘅活化項目南楓樓,最近成為打卡新熱點。「業主將荒廢多年的酒樓重建改裝,專門租給有特色的小店,希望深水埗繼續發展成文青小社區。」 Buff 不苦店主夫婦 Natalie 及 Jerry 說。二人是咖啡愛好者,閒時都會來深水埗蒲 cafe,深深被這區吸引,就開起 cafe 來,不過加點估你唔到元素──用咖啡配船麵。

Cafe 採用木系裝修,兩邊設特大玻璃窗,引入自然日光,一派日系 cafe 感覺,但最有味道是店外的白鐵南楓樓招牌,很有深水埗感覺,連攝記也忍不住用它做背景拍 food shot。

「我哋好喜歡吃泰國菜,香港又咁熱,食啲酸酸辣辣嘢咪啱囉!於是搞搞新意思在這裏供應泰菜。」Natalie 說。招牌船麵湯底以豬骨、多種香料如金不換、香茅、芫茜熬煮 10 小時,濃郁惹味,更選用泰國船麵條,入口爽滑,唔錯!記者還推介冬蔭公海鮮炒飯,味道微辣,最鍾意炒飯配上爽脆泰式蝦餅,脆口惹味啱晒後生仔。

吃船麵,要配咖啡,玩法也花俏,店家經常與本地不同的烘焙店合作,今次有 coffee obsession,集合不同 roaster 風格的精品豆,當天就有 5 款,如 Burundi、Colombia、Ethiopia 等。

還有特色飲品,如泰式紅茶和 70% 濃度朱古力等,其中 Thai Tea Mix 是泰國傳統紅茶,紅茶會先冷泡 5 小時,帶少許呍呢嗱味,咖啡師加點花俏,加入檸檬和梳打,泰國風味出晒嚟,配船麵就梗加正!不要吃漏自家製甜品,香脆酸甜的蘋果貝殼、味道清新的熱情果芒果撻等,全部都由店裏甜品師自製,不妨叫到一枱都係美食,打卡靚仔啲嘛!

冬蔭功海鮮炒飯 $128
炒飯味道香濃微辣,有大蝦、蜆肉、魷魚做餡,配埋燒菠蘿和蝦餅,風味十足。

深水埗新地標南楓樓 轉角日系 Cafe / 歎泰國船麵 

泰北風味船麵 $98
湯底以豬骨、多種香料熬煮 10 小時,配上豬肉片、脆炸豬皮、豬肉丸,每啖都富香料香,加埋爽彈泰國船麵,好有泰國風味。

脆烘蝦芝士厚吐司 $108
手剁蝦肉夾在吐司內,再加上 3 種芝士炸,配埋脆卜卜蝦片,連吐司都有泰國風情。

深水埗新地標南楓樓 轉角日系 Cafe / 歎泰國船麵 

熱情果芒果撻 $58
撻面熱情果粒,味道清新酸甜,比檸檬撻吃落更醒胃,幾夾 Ethiopia 的咖啡。

深水埗新地標南楓樓 轉角日系 Cafe / 歎泰國船麵 

不苦定食 $128
唐揚炸雞香脆軟腍,肉汁豐富,很熱門的和風定食。

店內也供應如多士等輕食。

深水埗新地標南楓樓 轉角日系 Cafe / 歎泰國船麵 

舖頭設計很日系,加上優良的採光,很好 hea。

深水埗新地標南楓樓 轉角日系 Cafe / 歎泰國船麵 

Thai Tea Mix $58 凍、$54 熱
將泰國傳統紅茶冷泡 5 小時,加入檸檬與梳打,茶味濃郁又帶呍呢嗱香。


Buff
地址:深水埗楓樹街 5A 號地下
電話:從缺
營業時間:星期一至四 10am - 6pm,星期五至日 10am - 7pm

同場加映:
【搵食熱話】最平 $499 位!狂食蟹 + 海鮮 BUFFET

↓【免費送🎁】微熱山丘全新造型香蕉窩夫餅乾禮盒100盒!↓

↓ 進駐香港十週年大贈送│送埋香港獨家限量版布袋~↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more