text│Kathryn
行過旺角、上環、銅鑼灣，不難發現有間非常「sharp 醒」、鮮黃色門面的飲品店開業，門外仲常常聚集了西裝友、OL 在等外賣。以為又係台飲！這店不賣珍奶賣精品咖啡，難怪門口聚集了一班需要咖啡因嘅上班族。咖啡店有來頭，是印尼、泰國、新加坡及台灣旋風開店的新晉連鎖咖啡品牌，野心十足來港搶佔咖啡市場。
咖啡以平取勝，espresso 最平，$17 一杯，齋啡如 8oz 細杯 Amerciano、Black 等也是 $21，細杯奶啡，如 Latte、Flat White、Cappuccino 賣 $25 杯，跟香港幾個大品牌連鎖咖啡店相同分量的飲品比，平上 3 成；也比坊間的精品咖啡店便宜，冷萃咖啡只賣 $35，定價相當進取。但平還平，這店定位為精品咖啡店，咖啡使用來自烏干達、哥倫比亞同埃塞俄比亞拼配的精品豆沖成，啡味平衡，先喝到 fruity 味道、後段則帶 nutty 口味，不同連鎖店那些工業式咖啡豆。頗有優勢，比精品咖啡便宜、水準又拍得住 cafe 的高素，所以都吸引唔少人由 cafe 轉陣。
香港店有獨家口味，包括充滿港式風味的奶醬多咖啡、鴛鴦咖啡及阿華田鮮奶咖啡等，客人更可預先在手機 app 落單，於指定時間去取咖啡，慳返排隊時間，3 點 3 蛇落街買都唔使阻時間。
-----------------------------------
舖頭以外賣為主，客人可以預先用手機 app 落單，選好咖啡款式及配搭，於指定時間去取咖啡，慳返排隊時間。
凍鮮奶咖啡 $25 細
咖啡味香濃，比連鎖咖啡店平足 3 成，性價比高。
Flash 鴛鴦 $36 細
香港限定口味，以精品咖啡配上奶和茶，飲落帶啡味，但又不失茶香。
宇治抹茶鮮奶 $30
亦有茶飲，如這杯用宇治抹茶粉沖成的抹茶鮮奶，抹茶味甘濃，不會一味只有奶味或勁甜，飲到真材實料。
【info】
Flash Coffee
地址：上環德輔道中 188 號金龍中心地下 5 號舖
電話：從缺
營業時間：星期一至五 7am - 8pm、星期六及日 8am - 6pm
