398 元足五両大閘蟹宴  七道小菜 + 蟹粉小籠包

發佈: 2021.11.25
文: U Magazine

text│Yan photo│May、Jay

歎大閘蟹,有人支持豪情任食,也有滋陰人士,鍾愛傳統蟹宴,慢慢歎,不用與時間競賽,吃兩隻夠晒數;數量係其次,蟹大蟹靚先係重點,大閘蟹足五両梗係多膏啲!東海集團每年也推出蟹宴,今年也不例外,由每位 $398 至 6 位 $2,388,便可歎到 2 隻大閘蟹公和 7 - 8 款小菜。逢星期一全日,星期二、日及公眾假期的午市和宵夜時段,更可享 75 折優惠,連加埋一,每人 $330,價位比喺街市買 2 隻大閘蟹貴不了多少!

東海做蟹宴多年,揀蟹要達到青背、白肚、金爪、黃毛四大標準。蟹宴包 2 隻大閘蟹公,隻隻足 5 両,食足 10 両蟹也不怕要趕快而拆蟹拆到手軟。清蒸大閘蟹散發油光,洋溢獨有的江蘇湖水幽香。開蓋的確不錯,蟹身裏爆滿金黃色流沙軟膏和蟹公白膏,甘腴香糯,綿密漿口。5 両蟹蟹身和蟹腳也較多肉,蘸上酒家特製的蟹醋,鮮甜入心。套餐也有彈性,可追加大閘蟹,5 両蟹每隻 $168,也可以每隻加 $50 將套餐內 5 両大閘蟹升級至 6 両大閘蟹,會更加爆膏,有胃納唔好慳,記得追加。

$398 的蟹宴還包括 7 道菜,有肉有菜有海鮮。粵菜小菜包括茄汁煎大花蝦、蒜片安格斯牛柳粒、濃雞湯千層菜苗和家嫂臘味飯,江蘇經典菜有京滬順嫂魚羹和蟹粉小籠包,最後還有驅寒暖胃甜品——窩心薑茶湯丸。至於飲品,可以選擇橙汁或紅酒一杯,幾豐富抵食。

東海做蟹宴多年,揀蟹嚴格,要達到青背、白肚、金爪、黃毛四大標準才供應。蟹宴包 2 隻江蘇大閘蟹公,隻隻足 5 両。

398 元足五両大閘蟹宴  七道小菜 + 蟹粉小籠包

京滬順嫂魚羹(套餐項目)
魚羹厚身而綿滑,味道鮮香,濃淡恰到,與大閘蟹的鮮味超夾。

398 元足五両大閘蟹宴  七道小菜 + 蟹粉小籠包

蟹粉小籠包(套餐項目)

茄汁煎大花蝦(套餐項目)
大花蝦啖啖肉,爽口彈牙,口感滿足。茄汁入味而不搶,鮮甜惹味不酸。

398 元足五両大閘蟹宴  七道小菜 + 蟹粉小籠包

蒜片安格斯牛柳粒、濃雞湯千層菜苗(後,套餐項目)
牛柳腍身而有咬口,肉味濃郁,而且多汁不乾身,好啱用來撈飯。雞湯清香不淡,鮮香舒喉,菜苗清爽,剛好讓味蕾來點清新。

398 元足五両大閘蟹宴  七道小菜 + 蟹粉小籠包

家嫂臘味飯(套餐項目)
臘味飯軟糯煙韌,粒粒分明,而且臘味油潤甘香完全滲入飯粒之中,吃罷滿口溫香。

窩心薑茶湯丸
吃過大閘蟹,一定要來個薑茶才夠完滿。薑茶甜度恰到,微辛暖胃,湯丸煙韌不膩。

398 元足五両大閘蟹宴  七道小菜 + 蟹粉小籠包

大閘蟹「淺嚐」套餐 $398 位(包括大閘蟹 2 隻、7 道菜式及飲品)
套餐包括 2 隻足 5 両大閘蟹,5 両蟹單售 $168 隻,另蟹宴每位已包 2 隻,都幾抵食!也可每隻另加 $50 升級至 6 両蟹。

398 元足五両大閘蟹宴  七道小菜 + 蟹粉小籠包

東海供應大閘蟹餐多年,年年的蟹都頗有水準,口碑不錯。

打開蟹蓋,蟹身裏爆滿金黃色流沙軟膏和蟹公白膏,蟹膏甘腴漿口。

398 元足五両大閘蟹宴  七道小菜 + 蟹粉小籠包

蟹粉小籠包(套餐項目)
蟹粉和蟹肉足料,先輕咬一口喝下熱騰騰的黃油蟹湯,再一口咬下飽滿的餡料,大滿足!單點 $38 隻。

398 元足五両大閘蟹宴  七道小菜 + 蟹粉小籠包

【info】
東海薈‧拉斐特
地址:銅鑼灣告士打道 311 號皇室堡 15A 樓
電話:2827 9938
營業時間:7am - 10pm
備註: 1. 大閘蟹「淺嚐」套餐每位 $398、大閘蟹「盛宴」套餐 4 位 $1,688、大閘蟹「極盛」套餐 6 位 $2,388
2. 各款套餐大閘蟹,每隻加 $50 可升級至 6 両大閘蟹
3. 逢星期一全日,星期二、日及公眾假期之午市及宵夜時段可享 75 折
4. 東海集團全線食肆提供文中蟹宴

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【限時搶⚡】日清盈優青汁套裝!↓

↓ 日本製造 / 清爽蘋果味、濃厚白桃味 / 有助維持腸道及皮膚健康!

more