周遊長洲│新開 Camping Cafe  邪惡！朱古力髒髒撻

text│Sakura

今個周末諗咗去邊度玩宋？不如入長洲行下，食下嘢啦，島上不時有新食店。這間新開的，在長洲碼頭除近，以露營為主題 Cafe，開口半露天位置布置成 camp site，放了大帳篷、露營凳、摺枱、盆栽植物，這排天氣清爽又唔熱，吹風歎咖啡唔錯。店子亦有售登山帽、Stanley 水樽、摺疊式餐具等露營用品，山系感爆棚！

這裏供應輕食甜品、花茶和咖啡，記者是為了在 ig 上很紅的髒髒朱古力撻而來。烘焙產品由店主 Lucas 的太太 Ku 炮製，每日限量供應。髒髒撻撻皮用法國無鹽發酵奶油，加入法國 Valrhona  100% 可可粉焗製，面層淋上自家調配的少糖黑朱古力醬，朱古力味很爆滿！撻內有日本蛋做的布甸，切開仲有流心效果，朱古力味超濃郁，一嚟到就要點咗先！

經典西班牙巴斯克芝士蛋糕呢度都食到！而且揼本地選用法國忌廉、日本麵粉和雞蛋製成，口感軟滑，芝士味香濃，烤焦外層帶淡淡焦糖香，連蜂蜜忌廉都是自家手打而成，幾有誠意！另外還有用日本麵粉、雞蛋、抹茶粉或日本上白糖做的戚風蛋糕，都幾人氣㗎！食甜品未必夠飽，這裏還有每日都有新鮮出爐麵包，如香草芝士煙肉包、Bagel 和鬆餅等，記者上次嚟都幾多人，排一陣就梗㗎啦！

髒髒撻 $48
外層酥脆，切開香滑流心，充滿濃郁朱古力味，中間布丁嫩滑，蛋味十足，邪惡美味。

抹茶戚風蛋糕 $55
蛋糕以日本原材料加小山園若竹抹茶粉製成，茶味濃郁同時略帶清甜，蛋糕鬆軟，味道清新。

巴斯克芝士蛋糕 $55
Cheesecake 口感軟滑，芝味十足，配埋自家製蜂蜜忌廉，口感細膩。

檸檬汽酒 $44
以梳打水加入新鮮切片檸檬，配上莓味十足的 MT.BLACK 淺炒濃縮咖啡，啡味濃厚，帶水果清香。

室外位置設有露營櫈做座位，配埋木摺枱和盆栽植物，好有 camping 感覺。

店子亦有售登山帽、Stanley 水樽、摺疊式餐具等露營用品，食完仲可以買。

【info】
Haika Coffee
地址：長洲新興海傍街 57 號地舖
電話：從缺
營業時間：10:30am-6:30pm