西部牛仔美式快餐店 肥嘟嘟!邋遢漢堡 烤芝士三文治

西部牛仔美式快餐店 肥嘟嘟!邋遢漢堡 烤芝士三文治

發佈: 2021.11.25
文: U Magazine

text│Sakura 

南昌街以雜貨店同布行居多,最近多了間搶眼舖頭,半開放區域放着一張木製搖椅,掛着數十數幅 50 年代美式肖女郎 poster,幾有美式鄉村感覺。以為係古着店?原來是復古美式 diner,播着搖滾音樂,如 Beatles,門口位置還放了復古點唱機,旁邊有一間像馬戲團的化妝間,是收銀和廚房,飄來陣陣煎牛扒香味,原來這裏主攻美式漢堡。

店主 Alex 和太太住在深水埗,本想開凍肉店,後來轉軚想開一間深水埗無嘅特色餐廳,最終鎖定美式復古快餐店。全店裝修都由夫婦二人合力完成,因為是貓奴,也加入咗兩隻愛貓作設計元素,裝修 raw raw 哋、少了商業味,開張不久已吸引網紅來打卡。

美式快餐店的重點元素——夠肥仔,當然盡情展示在食物上!肥美首選是大隻仔漢堡,2 層 120g 牛肉漢堡再加雙倍車打芝士,夾着脆炸煙肉片、酸瓜、番茄和蜜糖芥末沙律菜,麵包頂放埋炸洋葱圈,未食已經 feel 到有幾飽。店家的牛肉漢堡肥得有誠意,用 4-5 種肉再加自家調味料攪拌而成,帶煙燻味,牛肉 juicy 又夠大件。另一招牌就是邋遢漢堡,一睇賣相就覺得 dirty,漢堡包淋上以多種香料、辣椒和雜菜煮成的辣肉醬,香香辣辣有點似墨西哥辣肉醬,預咗吃到滿嘴滿手都是!

肥仔二、三、四號仲有 grill cheese sandwich、炸魚薯條、奶昔。芝士三文治肥到痺,將牛油塗在麵包外皮再烘,達到半煎炸的效果,再加上車打芝士、馬蘇里拉芝士和忌廉芝士,芝士味澎湃流心,重點是只賣 $38,抵食㗎!

大隻仔漢堡 $108
男士們必點!重量級的大隻仔漢堡,夾着雙層芝士漢堡、煙肉、酸瓜、番茄和蜜糖芥末沙律,再加上炸洋葱圈,咬落超多肉汁,屬肥仔之選!

邋遢漢堡 $98
無論賣相和食法都夠晒「邋遢」,夾着漢堡牛肉、車打芝士、酸瓜和蜜糖芥末沙律,配上澎湃辣肉醬汁,咬落 juicy,牛味濃郁,醬汁香香辣辣。

辣魚醬堡 $78
漢堡加入自家製辣魚醬,此款醬老闆參考葡萄牙的一款醬汁的做法,酸辣醒胃,滋味十足。

唔係經典烤芝士三文治 $38
選用 3 款芝士製成,芝味十足,三文治可跟配番茄湯,可以用來沾多士吃。

純牛肉烤芝士三文治 $60
純牛肉餡配上 3 種芝士和炒洋葱,淋上自家製、酸酸辣辣的「估吓咩醬」!

裝修成復古美式快餐店,藍白相間的皮梳化加高腳枱、圓型吧凳,是南昌街最新型店。

店主 Alex
裝修和食品都經他及太太之手,令舖頭在南昌街好矚目。

【info】
Lady Gourmand
地址:深水埗南昌街 86 號地舖
電話:從缺
營業時間:12nn - 8pm

↓會員迎新禮遇150 U Fun換禮遇↓

↓ 立即入App到任務區領取 ↓


↓「App限時搶」大派現金券!↓

↓記得逢星期三3PM入App搶!↓

more