text│Sakura
呢間雪糕店嗰名「迆」，記者都唔識讀。問下負責人 Ringo，原來這個字係我們成日講 hea 嘅正字。他更將港人獨有的 hea 文化作為雪糕店理念，希望食客來食杯雪糕放鬆下，所以特別設有座位，畀大家坐低「迆」住「吔」雪糕。
$38 杯起，唔算貴也不算特別平，記者敢講雪糕誠意十足，以本土口味為主題，定期換款，今期以茶記美食和港式糖水做靈感，4 款自家製純素雪糕，分別有鹹檸七、菠蘿冰、豆腐和本地薑，還自製多款配料和雪條，花俏有心機。雪糕每日鮮製，雪糕用植物奶取代牛奶做，素食朋友都食得，不過要留意部分配料和雪糕筒是蛋奶素，vegan 可以請職員轉杯裝或將蛋奶配料更換。
Ringo 問記者敢不敢吃辣辣雪糕？原來這杯雪糕用了麻婆豆腐做靈感，豆腐雪糕以本地有機黃豆製成製，可配麻辣醬。麻辣醬有料到！配豆腐雪糕吃先來鹹香後有辣勁！記者奉勸唔食得辣的朋友，不要挑戰，請改配木糠！另一款子薑味雪糕也出位，以辣度適中的子薑製成雪糕，食落薑味霸道突出，因為雪糕裏有薑蓉顆粒，配焦糖脆脆的，又中和返辣味，呢款係辣味雪糕的入門版，唔嗜辣的記者 handle 到。
本地薑味拼海鹽焦糖雪條 $46
以子薑製成雪糕，薑味強烈，有辣勁，另配上焦糖脆脆和海鹽焦糖雪條，增添香甜味，記者選了配萬壽無疆紙套，打卡一流。
鹹檸七味 $38
味道鹹鹹酸酸，口感清新自然，加上檸檬皮和薄荷葉，食落清新，可選配生命麵包圖案紙套！
豆腐味拼紅豆雪條 $46
豆腐雪糕豆味濃郁，質地軟滑，淋上麻辣醬，帶點麻香，先甜後辣，味道幾得意，萬壽無疆紙套也好漂亮。
菠蘿冰拼特色檸檬雪條 $46
口感清新冰涼，陣陣菠蘿香，加埋鮮菠蘿肉做點綴，神還原茶記菠蘿冰！
菠蘿鹹檸七拼話梅雪條 $46
扭紋雪糕一次過品嘗 2 款冰涼之選，加埋話梅雪條，鹹酸醒神，有多重味道享受！
各式雪條 $8 支
共 6 款口味，包括菠蘿、檸檬、話梅、紅豆、海鹽焦糖和椰子。
為了突出本土特色，4 款雪糕紙筒也以我們熟悉的元素設計。
負責人 Ringo
與幾位朋友都十分喜愛食雪糕，加上熱愛本地文化，故開設一間主打本地口味的雪糕店，他叫大家盡情來 Hea。
雪糕店以純白和藍色做主調，柔和自然，擺放多張不規則形狀的椅子，好有設計味。
【info】
迆雪糕
地址：深水埗界限街 10F 號南楓樓 5 號舖
電話：5345 5954
營業時間：星期二至日 12:30pm - 7:30pm，逢星期一休息
