3 小時任食大閘蟹 x 火鍋放題 398 元位起!狂送任食鮑魚帶子

發佈: 2021.11.29
文: U Magazine

text│Yan photo│Kee

相馬日式火鍋已經不是第一年推出任食大閘蟹套餐,不過今年作了 2 款食客一定無投訴的改動。第一,荔枝角、火炭及西環店晚市大閘蟹套推出無限時任食選擇,夠膽的話晚市你可以開舖食到收舖,足足 5 粒鐘,連加一成人價錢也不超過 $500。當然,胃口小點,可以點返 3 小時放題,最平才 398 元位,價位真係無得輸!

其二,幫食客慳時間,由往年大閘蟹連蒸鍋上枱自己蒸,改為由廚房即叫即清蒸,大閘蟹新鮮熱辣端到客人面前。咁就不會蒸得蟹嚟,無位打邊爐,咁就無阻大家一邊嘆火鍋一邊食蟹啦!

無限時任食大閘蟹連火鍋套餐,選用江蘇大閘蟹,供應大閘蟹公隻隻足 3 両,蒸熟後,蟹身不少已爆出蟹膏,蟹肚和蟹腳也透出金黃色。打開蟹蓋,會發現蟹膏金黃有光澤,質素不錯。以為放題無好嘢,錯啦!大閘蟹膏綿密細膩軟滑,更有蟹公獨有的黏嘴啫喱白膏,味道鮮香甘腴。最意想不到,是今造大閘蟹連蟹肉也不俗,甜鮮無泥味。負責人表示過去由客人自行蒸蟹,每人平均也食到 8 隻,今年供應熟蟹,相信大家會刷新新紀錄!

吃這放題,嘴巴會好忙,因為等蟹上枱,要享用埋火鍋,套餐包括美國特選牛肩胛、優質豚肉、廣島蠔、日本帶子、虎蝦、大頭蝦、刀貝、帆立貝等多款肉類海鮮任滾,另外還有多款即叫即蒸點心、即叫即炸日式炸物、即叫即燒的日式串燒任食,還未講自助區無限任取的蔬菜、丸類、飲品、Milktop 雪糕和韓國雪糕……仲有仲有……只要在餐廳的社交平台專頁留言「大閘蟹」,2 人同行送任食帆立貝、4 人同行再額外任食活鮑魚,好彩店家容許食客選擇無限時食,否則點試得晒?

無限時任食大閘蟹套餐 成人 $478 位、小童 $398 位(荔枝角及火炭店 5pm - 10pm 供應、西環 6pm - 11pm 供應)
吃完會飽到癡線!除了任點大閘蟹,還包火鍋湯底、多款肉類海鮮火鍋料、即叫即蒸點心、日式炸物、串燒任食,自助區可任取的蔬菜、丸類、飲品、Milktop 雪糕和韓國雪糕。不需要無限時食,價位會略便宜點 $398 位起。

美國牛肩胛(任點任食)
油脂少而平均,牛味豐富。

3 小時任食大閘蟹 x 火鍋放題 398 元位起!狂送任食鮑魚帶子

大閘蟹即叫即由廚房清蒸,蟹上枱已經可以叫定下一輪。來自江蘇的大閘蟹散發湖水幽香,足 3 両大閘蟹蟹膏金黃吸引,蟹肉鮮甜。

3 小時任食大閘蟹 x 火鍋放題 398 元位起!狂送任食鮑魚帶子

各款海鮮(任點任食)
當中有活大頭蝦、虎蝦、刀貝、廣島蠔和帶子等,全部大大隻不吝嗇。

任食活鮑魚
在餐廳的社交平台留言,4 人同行即額外加送。

3 小時任食大閘蟹 x 火鍋放題 398 元位起!狂送任食鮑魚帶子

任食帆立貝
在餐廳的社交平台留言,2 人同行即送。

3 小時任食大閘蟹 x 火鍋放題 398 元位起!狂送任食鮑魚帶子

韓國雪條(任食)
韓國名牌 Melona 雪條,有蜜瓜和士多啤梨等口味,極受歡迎。

放題店鬆動闊落,用餐環境不錯。

3 小時任食大閘蟹 x 火鍋放題 398 元位起!狂送任食鮑魚帶子

廳面夠闊落,全場爆滿都不覺坐得迫夾。

3 小時任食大閘蟹 x 火鍋放題 398 元位起!狂送任食鮑魚帶子

Milk Top 雪糕(任食)
日本品牌雪糕,北海道函館 3.7 鮮牛奶製,抺茶雪糕尤其出色。

胡椒雞湯底(免費升級)
任食大閘蟹套餐可免費升級至這款湯底,廚師說可中和蟹的寒涼。牛肩胛在湯裏淥 3-5 秒會逼入胡椒香。

3 小時任食大閘蟹 x 火鍋放題 398 元位起!狂送任食鮑魚帶子

【cap】
相馬日式火鍋
地址:西環西營盤德輔道西 321 號瑧璈 1 樓 2B 號舖
電話:2117 0915
營業時間:12:30pm - 3:30pm、5 pm - 11:30pm
備註: 1. 3 小時任食大閘蟹套餐 12:30pm - 3:30pm(全部分店)及 5pm - 8pm 時段(觀塘及西環店)成人 $398 位、小童 $318;8:30pm - 11:30pm(觀塘及西環店) 成人 $418 位、小童 $338 位
2. 無限時任食大閘蟹套餐,荔枝角及火炭店 5pm - 10pm 供應、西環 6pm - 11pm 供應,成人 $478 位、小童 $398 位
3. 星期五至日、公眾假期及前夕,上述套餐收費每位加 $20

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more