text│Sakura
登打士廣場以往長期被放題或港式店攻佔，想不到最近有間小清新甜品 cafe 開業，由大街走入這店是兩種完全不一樣的氛圍：純白加木調，充滿日系小清新感覺，與登打士街的市井喧鬧形成對比，都唔似旺角嘅！食完仲可以買，店的一角是雜貨選物店 The Tabibito，登售日本職人手作，Cafe 所用的食具亦是來自此選物店，好多都係日本直送，唔該仲以為自己去咗裏原宿！
記者嚟為的是他們的 homemade 蛋糕甜品。10 多款甜品由年輕甜品師 Ben 每日鮮製，賣相精緻，打卡度十足。所用的雞蛋、麵粉、牛奶等均為日本食材，又會加入季節食材，好似招牌血橙椰子慕絲蛋糕就用了夏天時令血橙製作，花心機用血橙果肉和風乾 24 小時的橙片做點綴，配上清新椰子蛋糕，味道及誠意都同交貨得來的甜品不同。
成日無貨焦糖雞蛋布丁，布丁以新鮮雞蛋和牛奶煮製再蒸焗而成，配上自家製焦糖漿，不會死甜，與布丁的雞蛋香好 match，好易賣完。而顏色鮮艷的草莓茉莉花蛋糕，以日本茉莉花粉和雞蛋製成。仲有好多抹茶甜品，如抹茶紅豆白玉蛋糕、柚子抹茶撻等，均以日本抹茶粉製作。
店家最近引入了日本靜岡 Ethicus Coffee Roasters 出品的咖啡豆，淺度烘焙，咖啡散發着濃郁香氣，啡迷切勿錯過！
焦糖雞蛋布丁 $45
布丁每日新鮮蒸焗，質地香滑 Q 彈，蛋香豐富，配埋車厘子和忌廉做點綴，充滿地道和風感覺！
血橙椰子慕絲蛋糕 $60
外層椰子慕絲清新幼滑，配上多汁帶點甘澀的血橙，味道清香。
玄米茶豆腐慕絲蛋糕 $55
純白造型好襯店家風格，外層很重豆腐香，中間是玄米茶蛋糕，甘香帶甜，層次豐富。
草莓茉莉花蛋糕 $55、抹茶紅豆白玉蛋糕 $55
前者蓬鬆軟綿，充滿茉莉花香，好 refreshing；後者抹茶味香濃，配埋日本白玉和綿密紅豆餡，甜而不膩。
提拉米蘇 $60、手沖咖啡 $70-90（視乎產地）
柚子抹茶撻 $55
抹茶味濃，切開有柚子果肉。
煙三文魚牛油果忌廉芝士 Bagel $88
日本柚子果凍青瓜蟹肉酸種麵包 $88
環境以純白和木系為主，簡潔明亮，柔和溫馨。
另一邊是選物店，主打日本和歐美精品雜貨，等食品期間不妨逛下。
Bestow
地址：旺角登打士街 43H 號登打士廣場 5 樓
電話：從缺
營業時間：11am-7:30pm
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
