千禧新世界香港酒店 矜貴歎！焗龍蝦 + 澳洲和牛 + 鮑魚響螺花膠

text│vera

今年尖東燈飾特別靚，Disney +主角燈飾分布海傍，幾有聖誕氣氛。聖誕節想先吃buffet，再看看燈飾，揀千禧新世界的聖誕自助餐最方便，自助餐矜貴美食不少，仲可以望住尖東海景過佳節。

這自助餐裏，記者首選推介爐端燒，大家愛死的波士頓龍蝦，加了雙重芝士同燒，拉絲又重芝香。連宴席上的高檔菜中式焗響螺都有供應，這兩款真係要拿多幾轉。至於熱葷區，梗係要掃聖誕限定版焗海鮮飯，配料有波士頓龍蝦、澳洲帶子、歐洲產登格斯蟹、加國翡翠螺、紐西蘭青口及中蝦，陣容相當豐富。而薑葱炒北海道蠔用砂鍋盛載，冬天食比起冷冰冰的生蠔暖胃，照顧到一班怕吃生冷凍海鮮的畏寒人士。

鐵板燒區不單有即煎法國鴨肝，又有油花豐富帶肉香的澳洲和牛肩肉。原隻葡式燒乳豬也是排隊的項目，食肉獸點可抗拒？體貼長者輩胃口，則有紅燒鮑魚北菇鴨掌、鮑魚花膠鮮人參燉雞湯，大家記得快手夾多幾件氹阿媽開心啦！

甜品款式不少都是坊間自助餐少見，紅豆麻糬餡日式車輪餅、檳城薄餅都是即點即燒；雪糕用法國石榴果蓉自家製；仲有爆漿熔岩蒜蓉芝士包、焦糖生朱古力、三溫糖蝴蝶酥等等，又潮又精緻，甜品控難免會失控！

Cafe East
地址：尖東麼地道 72 號千禧新世界香港酒店 1 樓
電話：2313 4222
供應時間：12月24日 首輪 6pm-8pm、次輪 8:30pm-10:30pm；12月25及26日 6:30pm-9:30pm
價錢：12月24日 首輪 成人 $908、小童 $588；次輪 成人 $898、小童 $588，12月25 日 成人 $908、小童 $588，12月26日 成人 $798、小童 $518

焗海鮮飯
海鮮料有質素，配上成本高過北海道帶子的澳洲帶子、厚肉帶甜的歐洲登格斯蟹、波士頓龍蝦、加拿大翡翠螺、紐西蘭青口及中蝦。白汁加入水牛芝士及巴馬臣芝士，重芝士味又甘香。

芝士磨菇焗波士頓龍蝦
用500 克重的中型龍蝦，有肉地，加上水牛芝士及巴馬臣芝士焗至拉絲，芝士香味誘人。

扒北海道帶子伴三文魚子帶子鋪上黑魚子伴酸忌廉及三文魚子，配搭上增強了海洋氣息。

鐵板澳洲和牛肩肉鐵板美食即點即燒，油花豐富肉味甘香。

吞拿魚芝士卷
黃鰭吞拿輕輕火炙過，捲着英國車打芝士及雜菜，伴上酸甜的芒果莎莎，層次感豐富。

薑葱炒北海道蠔
北海道蠔肥美，蠔味重，爆香薑葱做鍋物，食落暖笠笠。

聖誕甜品
切件裝的55% Valrhona朱古力雜莓蓉樹頭蛋糕、開心果忌廉聖誕樹慕絲等。

紅燒鮑魚北菇鴨掌
罐頭清水鮑魚用火腿上湯燜扣，啱晒媽媽們的胃口。

鮑魚花膠鮮人蔘燉雞湯鮮人蔘連鱈魚膠、大連乾鮑同雞肉燉夠3小時，湯底清澈鮮味。