【聖誕自助餐 2021】港島香格里拉 CAFE TOO 胡桃夾子主題 / 火雞威靈頓 / 鹽焗法國海鱸

港島香格里拉 CAFE TOO 胡桃夾子主題 / 火雞威靈頓 / 鹽焗法國海鱸

發佈: 2021.12.02
文: U Magazine

text│Vera photo│Him

一見到胡桃夾子就令人聯想到聖誕,港島香格里拉酒店今年上至酒店房間、下至大堂聖誕市集、自助餐廳都放滿大大小小的胡桃夾子公仔作裝飾,客人如置身童話世界,好有聖誕氣氛!

來吃自助餐,聖誕氣氛延續到每張餐枱,枱上放了胡桃夾子公仔陪大家開餐。Cafe TOO一向以live station多而馳名,今年一樣有十個即席烹調區,區區都有搶手名物。威靈頓牛柳食得多,聖誕節就供應自創的火雞威靈頓,釀了超過10種香料,配上熬了8小時的火雞肉汁!聖誕傳統菜式如火雞和蜜糖火腿的食譜,均出自酒店行政總廚Uwe Opocensky之手,火雞一向予人又乾又嚡的印象,落在名廚手上,就轉化成肉汁juicy的美食,選用美國火雞,花上長達16小時slow cook,烹調細節多多,都係想大家食得開心。

聖誕節日有不少限定作,都是一些自助餐少見的高檔西菜!如用4、5kg重的原條法國海鱸魚做的鹽焗魚,每半小時出爐一次,廚師即時敲破鹽堆分切魚肉;現場又有即製新鮮pasta,放在芝士輪上製作卡邦尼意粉。還有即製的北海道馬糞海膽手卷、火炙三文魚腩壽司、2款西式焗蠔、熱融瑞士芝士、24個月西班牙火腿。加上平時長備蒸游水花蟹、連殼鮑魚等5款蒸海鮮、多款凍海鮮、美國頂級牛肋骨、鐵板澳洲和牛,陣容非常極之豐盛。如果對美食相當有要求的,這自助餐是首選!

【info】
Cafe TOO
地址:金鐘金鐘道88號太古廣場二座港島香格里拉酒店7樓
電話:2820 8571
供應時間:首輪 5:30pm-8pm、次輪 8:30pm-11pm
價錢:12月24日 成人 $1,288、小童 $788;12月25日 成人 $1,188、小童 $838;12 月26日 首輪 成人 $838、小童 $538;次輪 成人 $798、小童 $508

地中海沙律station
巨型意大利巴馬臣芝士輪放上凱撒沙律,配料可選水牛芝士、吞拿釀紅椒、雅枝竹、醃鯷魚、醃風乾番茄、意大利青黃瓜等。

美國頂級牛肋骨、火雞威靈頓(後)
連骨的牛肉零舍重肉香,牛骨燒汁熬夠8小時,襯托出濃郁牛味。火雞保留了肉汁,釀入以洋葱炒香的磨菇蓉、煙肉、麵包、西芹、鼠尾草等,鎖住幽香。

聖誕火雞與蜜糖丁香火腿
選用美國頂級品牌Butterball的火雞,跟火腿一樣慢煮,肉質軟腍又多肉汁。伴上醃
紅椰菜、甜漬栗子、燒薯仔。

鹽焗原條海鱸魚
法國海鱸約4、5kg,大條厚肉夠晒有魚味。每半小時出爐,有鐘聲提示,廚師即場敲破鹽堆,魚肉濕潤熱騰騰。

日式手卷
聖誕節日增設手卷,自選餡料,最正一定係北海道馬糞海膽,另有鰻魚及三文魚等。壽司就新加了火炙吞拿魚及火炙三文魚。

熱融芝士輪
聖誕節日新增Raclette瑞士芝士,刮在薯仔上,非常有聖誕特色。

蒸海鮮
巨型蒸籠放了即日採購的時令新鮮海鮮,如花蟹、鮑魚、蜆、蝦、螺,原汁原味最鮮味。

酒店大堂不同角落都放了胡桃夾子公仔,到處都係打卡位。

兒童美食station
放了色彩繽紛的蔬果杯、燴茄汁豆、燴雜菜以及小巧的甜品,好有心思。

↓有新嘢玩!《社群》專區登錄App↓

↓必睇人氣美食主題深度關注組!!↓


↓送皇玥新年經典精選禮盒 ↓

↓集齊4款熱賣款式!↓

more