70 年代主題火鍋店 點心做火鍋料

發佈: 2021.12.10
文: U Magazine

text│Sakura

她是九龍城著名火鍋店同撈同煲的分店,懷舊裝修,熟客一望就認到。新店與九龍城店貫徹懷舊風格,同樣用上方格階磚、霓虹燈招牌、懷舊海報點綴,也有舊式理髮店打卡位等,仲會播放經典廣東歌,令人恍如置身於六、七十年代嘅香港。主打港式火鍋湯底,如沙嗲、胡椒豬肚、花膠雞湯等,仲有超過 100 款火鍋配料,最特別是用港式點心打邊爐,好盞鬼!

打邊爐最關心湯底掂唔掂。店家招牌的冬甫美人鍋採用女士喜愛的桃膠、蟲草花、花膠、走地雞、竹笙、金華火腿骨等熬煮 8 小時以上,無味精仲有豐富膠原蛋白。新推出的胡椒豬肚湯底更是足料,用了大量無激素少爺雞及豬骨熬湯,與母雞相比,少爺雞肉質更有彈性,雞味較濃,湯底香濃又富胡椒香,用來灼海鮮會鮮上加鮮!

打邊爐仲可以吃點心,懷舊的鵪鶉蛋燒賣而家已買少見少,這裏有供應火鍋專用版本,用來打邊爐,估唔到又幾夾,咬落札實彈牙,豬肉餡香滑帶甜,另外仲有蝦米腸粉、灌湯小籠包和秘製醬汁鳳爪!

食肉獸一定要叫特級盛牛大拼盤,有齊美國安格斯牛肉、封門柳、一口牛粒和牛舌,最啱配惹味濃郁嘅沙嗲湯底,牛肉索滿湯汁,肉質腍滑,更加香惹。除了提供港人喜愛的手切牛肉,亦有供應罕有部位,如牛胸爽、牛黃喉、牛骨髓。火鍋店好坐,配料又有新鮮感,銅鑼灣的朋友想去「滾」,可以諗諗佢!

冬甫美人鍋(雞湯)$198
湯底以桃膠、蟲草花、花膠、走地雞、竹笙、金華火腿骨等熬煮 8 個小時以上而成。

70 年代主題火鍋店 點心做火鍋料

胡椒豬肚少爺雞湯 $238
選用大量無激素少爺雞、豬骨熬湯,湯底富胡椒香,飲完個人都暖埋,用來灼海鮮,湯味可托起海鮮鮮味!

70 年代主題火鍋店 點心做火鍋料

梅花黑豚肉 $108(前)、特級盛牛大拼盤 $398
玫瑰花造型豚肉片,肉質香甜軟腍。後者有美國安格斯牛肉、封門柳、一口牛粒和牛舌。

鵪鶉蛋燒賣 $48
餐廳自創點心火鍋料,咬落札實彈牙。

70 年代主題火鍋店 點心做火鍋料

家鄉米酒黃沙潤 $58、老友鬼鬼 $68(下)
豬潤質地爽滑,無腥味;後者釀了黑松露墨魚滑,輕輕灼一下就食得。

70 年代主題火鍋店 點心做火鍋料

海鮮拼盤 $368 起(3 款海鮮)、$568 起(5 款海鮮)
每日由街市新鮮購入,包括扇貝、鮑魚、蟶子、海蝦等,新鮮爽甜。

場內環境貼上 60-70 年代海報做裝飾,好似牛奶公司雪條、廣生堂雙妹嘜廣告,好有 feel。

70 年代主題火鍋店 點心做火鍋料

餐廳裝修以懷舊香港做主題,無論地板、餐桌、吊燈,都好有復古味。

70 年代主題火鍋店 點心做火鍋料

【info】
九龍城同撈同煲
地址: 銅鑼灣堅拿道西 10 號冠景樓 2 樓 B 號舖
電話:9888 3736
營業時間:5pm - 1:30am

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more