夢幻漸變蛋糕 超靚靚!愛神邱比特布甸裝飾

發佈: 2021.12.21
文: U Magazine

text│Sakura photo│Ken

望着圖中夢幻度十足的天使蛋糕,麻甩佬都即刻少女心爆發呢!這件蛋糕出品來自一間人氣 IG 網店,由曾任時尚編輯的店主 Kiki 主理,主打夢幻宮廷風造型蛋糕,其中 signature 的就是此款愛神邱比特蛋糕,頂層的啫喱顏色及蛋糕形狀可以自由配搭,提供 3 款口味,包括可爾必思、焙茶和濃縮咖啡,咁靚嘅打卡蛋糕用來哄女仔一流!

蛋糕由啫喱、牛乳布甸、生乳酪蛋糕、海綿蛋糕、白朱古力和榛子碎等元素組成,用忌廉芝士、日本上白糖、牛奶、雞蛋及麵粉製作。頂層的愛神邱比特是牛乳布甸,賣相吸引,食落質地 Q 彈幼滑。天使下面是常見的食用花水晶啫喱,有漸變效果,晶瑩剔透;中間的生乳酪蛋糕夾着榛子碎粒,增添口感。

3 款口味中,推介可爾必思和焙茶口味,前者選用日本乳酸飲品可爾必思再加入新鮮檸檬汁製成,有芝士蛋糕的幼滑之餘,味道又酸甜;後者用上宇治焙茶粉製作,茶香味濃,底層則配上海綿蛋糕,減輕芝士蛋糕的滯膩感,整件蛋糕配搭不會太甜,加埋靚靚嘅造型,好似藝術品一樣!咖啡芝士蛋糕加了層 espresso 果凍,因此啫喱層不能自選顏色,指定配深啡色果凍。

Murder Cake 各 $260(4 吋)
人氣 IG 網店 Murder Cake 主打夢幻少女風蛋糕,其中愛神邱比特造型是店家招牌,粉系的用色,迷倒一眾少女!有可爾必思、焙茶及咖啡口味,前 2 款可以自選啫喱層的顏色。

【IG 網紅店】夢幻漸變蛋糕 超靚靚!愛神邱比特布甸裝飾

食用花水晶啫喱可因應客人要求改變顏色,晶瑩透亮,質地 Q 嫩。

【IG 網紅店】夢幻漸變蛋糕 超靚靚!愛神邱比特布甸裝飾

食落芝士味香濃,酸酸甜甜,好 refreshing!

焙茶味
選用宇治焙茶粉製作,茶味濃郁,食落甘香細膩。

【IG 網紅店】夢幻漸變蛋糕 超靚靚!愛神邱比特布甸裝飾

【info】
murder cake
網址:按此
備註:可於 IG dm 訂購

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more