灣仔新開抵食車仔麵店「十兄弟車仔麵」 $9歎紅燒鮑魚/$55歎招牌八寶麵/自家製辣菜脯

發佈: 2021.12.24
文: 陸嘉敏

車仔麵可以說是香港最具代表性的傳統街邊美食,價錢平民之外,還有多種款式配搭。灣仔最近新開了一間車仔麵店,配料選擇多,推介招牌八寶麵,可以一次試勻多款配料,份量足且價錢實惠!嗜辣的朋友必試餐廳的秘製辣汁及自家製辣菜脯,現時更有新張優惠,$9就可以追加紅燒鮑魚1隻,在附近番工的朋友午餐又多個選擇啦!

餐廳的招牌八寶麵CP值非常高,配料包括:牛坑腩、大腸、豬紅、豬皮、蘿蔔、辣魚蛋、粟米、雲耳,價錢只需$55,份量大到足夠二人享用。湯底用豬骨熬製多個小時而成,不含味精,非常香濃。牛腩亦係餐廳推介的配料之一,挑選的部位係有骨坑腩,肉味香濃,肥瘦相間。

食車仔麵同時,大家不妨試試餐廳秘製辣汁及自家製辣菜脯。招牌秘製辣汁用上三重辣椒,新鮮辣椒及乾辣椒,還加上了一種台灣特有品種魔鬼辣椒,層次突出之餘,辣味亦非常香濃。自家製辣菜脯都非常有特色,香辣味突出,辣得夠過癮!愛吃辣的朋友必試~

新張期間,餐廳推出$9紅燒鮑魚優惠,每人限叫兩隻,每日售完即止。另外,餐廳可使用QR code落單,亦可提前落單外賣自取,可享9折優惠。

 

 

十兄弟車仔麵

地址:灣仔春園街地下16號舖

 

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more