燒賣萬能 KEY! 外賣店創意燒賣熱狗

發佈: 2022.01.18
文: U Magazine

text│Sakura photo│Jay

十個港人、十一個愛吃燒賣!搞到燒賣變咗萬能key,繼上期介紹過燒賣麵包後,竹園市場有間熱狗店,與「燒賣關注組」合作,推出2款獨創無香腸的燒賣熱狗,分別是麻辣可樂瑞士汁燒賣熱狗和脆炸燒賣芝士熱狗,燒賣一蒸一炸。以為好騎呢?大家睇下先,賣相好似日式炒麵麵包,盞鬼吸引,出示燒賣關注組會友證仲可以平$10!

燒賣萬能 KEY! 外賣店創意燒賣熱狗

熱狗店老闆當然係燒賣關注組成員,今次公器私用益會友!燒賣及熱狗包都用本地貨。知會友對蒸炸燒賣各有喜好,蒸的就配上麻辣可樂瑞士汁,燒賣會浸落瑞士汁中入味,再配埋自家製麻辣汁,最後噴上少許可樂,食落麻香味重,毫無違和感。另一款用竹炭包配上炸燒賣,淋上好適合配煎炸嘢的自選醬汁,如蛋黃醬、蜜糖芥末醬,加埋熱融芝士,食落又幾夾喎!

麻辣可樂瑞士汁燒賣熱狗 $33(燒賣關注組會友 $23)
熱狗包夾上 6 粒瑞士汁蒸燒賣,配埋麻辣汁,食落麻香味濃,加埋用牛油烘過的熱狗包,係強化版蒸燒賣。

燒賣萬能 KEY! 外賣店創意燒賣熱狗

沒有香腸換成燒賣的熱狗包,你食過味?

脆炸燒賣芝士熱狗 $33(燒賣關注組會友 $23)
燒賣炸到香口脆卜卜,配上 2 款不同醬汁,酸酸甜甜,炸嘢熱氣香口,啱晒後生仔。

燒賣萬能 KEY! 外賣店創意燒賣熱狗

這款用上脆炸燒賣做,配竹炭包。

燒賣萬能 KEY! 外賣店創意燒賣熱狗

脆皮春卷芝士熱狗 $38 
店家招牌!熱狗夾上炸春卷腸,再淋上蜜糖芥末醬配以番茄和生菜。

脆炸流心芝士火腿黑白三文治 $46 
脆炸芝士火腿味道鹹香,加埋拉絲芝士,邪惡美味。

燒賣萬能 KEY! 外賣店創意燒賣熱狗

舖頭位於黃大仙,以外賣為主。

燒賣萬能 KEY! 外賣店創意燒賣熱狗

【info】
竹料
地址:黃大仙竹園邨竹園市場 92 號舖
電話:9563 8577
營業時間:12nn - 1am

↓【限時搶⚡】Ísey Skyr健康冰島乳酪套裝!↓

↓ 使用比普通乳酪多近4倍的牛奶!/ 好像Gelato義式雪糕一般的口感!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more