香港有菜食!退休棄南美流浪做有機農夫 作物結霜全死卻賺到健康

發佈: 2022.02.18
文: 陳菱櫻

香港寸金尺土,但在這彈丸之地,本地農業正默默掘起。今次小編到粉嶺打鼓嶺「恩福農場」訪問本地農夫美蓮,其實在香港做農夫一點也不容易,一起了解一下!

「我叫美蓮,我的農場叫恩福有機農場,叫這個名是因我的田較平直。我很感恩和珍惜,提醒自己感恩惜福,要珍惜這份福氣。」

美蓮今年60歲,看上去精力充沛,她早在50歲退休,在2013年接手「恩福農場」,成為農場第三代負責人。她本身對有機耕作零認識,機緣巧合下與種植結緣,更賺到健康,不再腰痛,按圖看經過!

按圖看農夫的一天!

做農夫最希望風調雨順,每逢天災都會令收成大失,「最開心,見蘿蔔生到咁大開心,睇住啲苗日日長高,又落肥,收獲時最開心;唔開心就睇見突然死哂,打風、落霜,作物死咗。」

「今年年頭較厲害,結了4次霜,種了的紅菜頭像玻璃,要等太陽融化可以拔走,蘿蔔、甘荀、紅菜頭都不怕(結霜),菜類就差一點,熱情果就一定報銷,結霜一定冇。今年嘅合掌瓜都一樣,一次已經冇咗,再來一次樹都沒有,舊年和今年的合掌瓜都不理想,但其實合掌瓜係我主打。」

美蓮做農夫後心境變得豁達,並順應自然,「你話唔好彩佢又好彩,好得意,好似攞左啲野佢又比返啲嘢你,你慢慢覺得做農夫的心態同城市人有啲唔同,你個人比較relax一啲,我以前唔係架,初初死哂我好upset(不開心),我拍檔同我講,你諗咩者,死都死咗啦,重新種過啦,你怨黎怨都無咩意思,佢唔會返生。就係咁樣,個人睇開咗好多!」

香港有菜食!退休棄南美流浪做有機農夫 作物結霜全死卻賺到健康

「以前樣樣都可以under你control,可以控制得到,天災嘅嘢你控制唔到,落雨水浸無計,打風無啦,接連一個又個,我地備好田準備落種,見佢打風諗住無咩野,點知打完一個又打第二個,獅子山,一個星期後就圓規。」

適逢農曆新年,美蓮種了香港遲水大蘿蔔,有小店加工用來做蘿蔔糕,也有客戶來網購。「今次應承咗有1500斤(蘿蔔),一條斤半重,細啲,如果條條重到咁就好理想,但計唔可以咁樣計,收八成已算偷笑,這個三斤幾,double 了當然開心。」

「香港蘿蔔好食,我自己都覺得蘿蔔好甜。有機作物用長時間去種,需要時間、陽光和水,食過就會知道分別,點解有機市場嘅野,瓜好賣,因為它長時間在田,如合掌瓜,人人食過都話好甜,我地叫佢清炒,我們吃原味,講原味,它煮出來很清甜,很好吃,似釋迦的味。如果出面唔夠味,會加醬料才有味道。蘿蔔就這樣清炒,用來煮湯,好甜,甘荀都係,甘荀要90幾日到100日先出得(收成),蘿蔔今次大概70幾日,正常80日,看天氣。」

香港有菜食!退休棄南美流浪做有機農夫 作物結霜全死卻賺到健康

「老實講,賺不到錢,維持到成本就可以,因為近年的天氣影響,運作差一點,天氣,如打風、落雨多,好多地晒遲了,好多問題,不怪得以前的人說要風調雨順,我現在很明白,這是很有智慧的東西。」

「落雨一樣返工,但原來耕田不是,打風還可以返工,8號風球對農夫就可能有問題;城市人落霜着多件衫,但農田落霜會死好多野,anyway,人放開啲,OK的,隨緣。」

「困難在於人手,不多人做,也賺不多,難以afford。另外是否願意花長時間,因為工作時間長,有時幾boring,成日得自己一個人,拍檔出去做野,呢個維修機械,另一個返工,夜晚返黎做,通常一日得我一個。」

問及支持年輕人加入農業嗎,美蓮指要給予年輕人選擇的權利。「睇個人,無話是否支持,年青人,尤其是新一代,佢自己鍾意先得,自己個女,想做咩會比佢選擇, 年青人的世界屬於他自己,應該自己去行,我個代都係呀媽想我點,但都比我自由選擇。」

「我原本諗住做家庭主婦,都原來我四圍走,以前常出外,很少留係屋企。現在落葉歸根,好叻可以綁住一個地方。年青人隨自己意願,你鍾意就鍾意,go ahead,好多香港父母都希望你做醫生,應比小朋友揀會好啲,佢地唔會後悔。」

香港有菜食!退休棄南美流浪做有機農夫 作物結霜全死卻賺到健康

「人生好短,疫情大家都見到,要珍惜,生命無常,要開心,強迫你做唔鍾意的事無意思。」

 

同場加映:純素蘿蔔糕食譜

2022農曆新年假期就到!傳統蘿蔔糕很多時都會加臘味,今次「無肉食」餐廳老闆阿邦教大家製作純素蘿蔔糕,素食者都適合食用,更公開好食秘訣,做出不鬆散、有蘿蔔味的蘿蔔糕,大家過年一起試試!

香港有菜食!退休棄南美流浪做有機農夫 作物結霜全死卻賺到健康

 

純素蘿蔔糕製作步驟

1. 白蘿蔔洗淨後連皮切粗條

2. 下油開鑊加蘿蔔條

3. 加水煮蘿蔔約5分鐘至差不多全熟

4. 將鷹粟粉、生粉、粘米粉、冬菇粒、金菇絲、油、鹽、糖、胡椒粉拌勻

5. 把剛拌好的材料倒入鍋中與蘿蔔撞粉,使蘿蔔均勻沾上

6. 上盤隔水蒸1小時

7. 放涼後冷藏

8. 想食用時,可以把蘿蔔糕切片,開小火,加少許油煎至兩面金黃即可

 

純素蘿蔔糕製作秘訣

按下圖了解製作蘿蔔糕的秘訣!

香港有菜食!退休棄南美流浪做有機農夫 作物結霜全死卻賺到健康

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more