大埔好評茶記 好抵食!$50 雞髀芫茜米套餐 / 港版全日早餐

發佈: 2022.01.24
文: U Magazine

text│Sakura photo│權

這冰室前身是一間街坊糖水店,老闆娘華女疫情下,將它轉營做冰室,也保留了部分招牌甜品,咁大家就唔使轉場,一口氣由早、午、晚三餐吃到甜品。

嘩!很抵!無論早午餐和甜品,都係$50左右,坊間cafe賣成過百元的 all day breakfast呢到只係$48,食物種類豐富,有齊香煎豬扒、鮮油菠蘿包、辣薯格、煎雙蛋……仲要全店選用日本雞蛋,呢個價錢去邊搵?

這店有兩寶:生炸雞髀及芫茜皮蛋米,雞髀即叫即炸,肉汁豐富,啖啖肉,不過不設單點只可以跟餐。芫茜皮蛋湯米都有不少鐵粉,芫茜分量甚多,送上桌已傳來濃郁的芫茜香氣!想食勻兩寶,叫「賞糖自選飯餐」就得,$50仲包埋以台灣茶包沖製的炭烤奶茶,抵到暈。

華女拿手的甜品「賞糖」則有黑涼粉、白涼粉、鮮雜果、水晶珠、寒天、黑糖珍珠配椰汁底,碗碗分量十足,唔少fans都因為佢哋而來!

全日早餐 $48
好鬼平又多料,有齊香煎豬扒、鮮油菠蘿包、辣薯格、煎雙蛋、茄汁豆和沙律,鮮油包尤其好鬆脆。

大埔好評茶記 好抵食!$50 雞髀芫茜米套餐 / 港版全日早餐

賞糖自選飯餐 $50(午市供應)
自選1款主菜及2款配菜,記者選了芫茜皮蛋米配生炸雞髀、腸仔和太陽蛋,湯米夠多芫茜,充滿陣陣芫茜香氣。

生炸巨脾(跟餐)
即叫即生炸,雞皮香脆可口,咬落肉汁juicy,只可跟餐,不設單點。

大埔好評茶記 好抵食!$50 雞髀芫茜米套餐 / 港版全日早餐

招牌蒜辣雞翼尖 $19
甜品店年代的名物,非常夠味,蒜香帶辣!

大埔好評茶記 好抵食!$50 雞髀芫茜米套餐 / 港版全日早餐

焦糖香蕉牛角窩夫配雪糕 $48
牛角窩夫配埋焦糖香蕉和呍呢嗱雪糕,甜品款式都好潮氣!

賞糖 $45
分量十足,有齊多種配料,多人share最啱!

大埔好評茶記 好抵食!$50 雞髀芫茜米套餐 / 港版全日早餐

即烤蜜糖厚切牛奶吐司 $25(限量供應)
吐司香甜脆口,充滿蜜糖味,甜甜哋好開胃。

大埔好評茶記 好抵食!$50 雞髀芫茜米套餐 / 港版全日早餐

牆身畫上香港路邊大排檔食景,好有懷舊風味。

【info】
賞糖冰室
地址:上水新成路 125 號地舖
電話:2264 6638
營業時間:星期一、三至日 8am - 12mn,逢星期二休息
備註:因應防疫政策,營業時間或有改動

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more