text│sieg
連放幾日新年假,唔少得去親戚朋友家拜年,拜年最忌送禮無誠意,又係大路的超市曲奇、蛋卷、朱古力,吃到厭啦!編輯部特別選了 10 個品牌的美味賀禮,款款都非常有特色,希望幫到大家揀份啱使的賀禮為收禮者帶來驚喜!
-------------------------------------------
【美樂士多│金光閃閃煙燻蛋】
美樂士多每年的新年賀禮包裝都好有驚喜,今年主打之一是日本煙燻蛋,老闆把金光閃閃的煙燻蛋以萬壽無疆紙碗及配上虎年包裝,賣相富貴逼人好意頭!套餐裏有金蛋、金元寶朱古力、金幣朱古力、山楂餅,送畀做生意嘅朋友一定好鍾意!
◈info◈
美樂士多
地址:荃灣愉景新城商場 L2-pop up 6 號、深旺道 28 號 V Walk 商場 L2-121
營業時間:12nn - 8pm
訂購方法:1. 可按 https://bit.ly/36EWGld,於 whatsapp 下單
2. 可於 9223 8538 於 Signal 查詢
日本煙燻金蛋最近很紅,雞蛋以鹽及昆布煮,再煙燻 2 天,金色外殼是無害天然樹脂,剝殼便可食用。
盤滿缽滿金蛋套餐 發財價 $168
包括日本煙燻金蛋 5 隻、金元寶及金幣朱古力等,包裝富貴逼人。
單盒裝壹品鮑 350g $268
日本頂級吉品鮑,鮑魚味鮮濃、口感柔軟煙韌,老人家吃都唔黐牙,配上濃郁的蠔汁,一開即食,可以用來拌麵或送飯。
金福滿杯 $38 套
包括金蛋 1 隻、金元寶朱古力、黃心梅糖,自用討個好意頭。
壹品鮑精品越光米禮盒 $558 套
壹碗壹碟出品,包括壹品鮑、珍珠鮑瑤柱 XO 醬、日本越光米,3 款產品均高級高質。
---------------------------------------------------------------
【阿嫲現烤手工蛋糕│好評琥珀合桃】
這間古早蛋糕店除了古早蛋糕受歡迎,他們的琥珀合桃及花生酥也甚受歡迎。主要是用料靚、每日鮮製,花生酥很受歡迎,由花生醬開始做起,每一粒都有超重、超天然的花生味;琥珀合桃也做得超鬆脆。今年更有一套 3 款的套裝,送禮得體。
◈info◈
阿嫲現烤手工蛋糕
地址:太子砵蘭街 456 號地舖
網址:https://amorebakery.co
電話:7073 4988
備註:可透過 whatsapp、IG、FB 及 Signal 查詢
琥珀合桃 $68
這產品甚多回頭客,經常訂單爆滿,主要是合桃炒得夠香脆,果仁味濃郁。
花生酥是店裏招牌,連花生醬都是自家做,用花生味特濃的珠豆花生、海鹽、蛋黃及少量油及麵粉製,九成是花生,一吃在花生味在口中爆發。
-------------------------------------------------
【台灣有禮│雲集賀年伴手禮】
這網站與台灣雲集不少人氣台灣拌手禮品裝,包括拉菲樂、大甲名產食品製造商躉泰以及近年在人氣急升的久久津等。必買台中名店久久津的九九金燒,外形如金磚,裏面拉絲麻糬,另一款包餡金則是元寶造型無麩質糕餅,法式酥皮包住鹹蛋流心醬及豆沙,減糖 50%,送禮應人人鍾意;另外台北名店拉菲樂的樂富貴堅果塔禮盒及躉泰芋香流芯酥也好適合送禮。
◈info◈
台灣有禮
網址:www.thegiftfromtaiwan.com
電話:3150 3990
備註:於 Ztore、鄰住買及部分一田超市賀年攤位亦有售
久久津九九金燒 $188 盒
九九金燒的金磚造型,寓意富貴,裏面仲有拉絲麻糬及芝士。
久久津包餡金 $188 盒
拉菲樂富貴堅果塔 $168 盒
牛油撻底配上天然麥芽糖、夏威夷果仁與蔓越莓果乾。
躉泰芋香流芯酥 $168 盒
大甲在地檳榔心芋頭配手製千層酥,一咬流心,是台北人氣伴手禮。
----------------------------------------
【Paul Lafayet│超靚馬卡龍禮盒】
這甜品店的馬卡龍一向有唔少 fans,包裝具法式風情亦是受歡迎的原因,今年他們請來法國插畫師 Emilie Sarnel 為新年禮盒繪畫插畫,盒上兩隻幸運虎相當可愛。禮盒有不同配搭,最吸引是配上馬卡龍、朱古力、迷你茶罐及特別版瓷碟的套餐,送禮好好睇!
◈info◈
Paul Lafayet 門市
網址:https://www.paullafayet.com/pages/chinese-new-year-2022
CNY Lucky Tiger Gift Box 2022 $488 盒
新年禮盒由法國插畫師 Emilie Sarnel 設計,下方的虎年特別版瓷碟非常精美。
CNY Lucky Tiger Macaron Gift Box 2022 $318 盒
馬卡龍禮盒有 3 個組合,Traditional 組合有朱古力、creme burlee、開心果、玫瑰、海鹽焦糖及呍呢嗱口味各 2 粒。
CNY Lucky Tiger Gift Box 2022 $488 套
包括 8 件 Cookirons,即品牌招牌馬卡龍、8 粒法國及意大利朱古力,另有 2 個迷你茶罐,分別是焙茶及苿莉茶、虎年瓷碟及一套虎年利事封。
----------------------------------------------
【微熱山丘│新年限定旺來餅】
微熱山丘有唔少 fans,今年品牌推出取名極有意頭的旺來餅迎虎年,旺來餅裏除了鳯梨醬外,還有幼滑奶黃,新年限定,加埋印上老虎的 tote bag,送禮好有看頭。
◈info◈
網址:https://shop.sunnyhills.com.hk/
備註:HKTV Mall 微熱山丘旗艦店亦有售
旺來餅 9 個裝禮盒 $279
旺來餅及鳳梨酥禮盒 $215
左邊的是旺來餅內有奶黃及鳳梨醬,餅皮加了鳳梨花瓣,很好看;鳯梨酥日本麵粉、牛油、健康飼養的鮮力蛋及土鳯梨製成,鳯梨味又酸又甜。
--------------------------------------------------
【Pâtisserie Jane│贏開巷麻雀馬卡龍】
新晉甜品店,產品包裝精美很適合送禮,虎年賀年系列非常多元化,有蝴蝶酥、茗茶曲奇禮盒、雪花酥禮盒、麻雀馬卡龍、2 款茶味奶油曲奇及蛋白餅,中最特別是麻雀造型的馬卡龍,送給鍾意游乾水的朋友保証佢鍾意,另外也有人氣的雪花酥禮盒,咁多產品揀,click 幾 click 就可入手拜年禮品。
◈info◈
Pâtisserie Jane
網址:http://www.patisseriejane.com/
備註:新年系列供應至 2 月 7 日
麻雀馬卡龍 $168 盒
一套 7 件馬卡龍分別是抹茶及腰果口味,麻雀造型維肖維少,吃完一家贏三家。
雪花酥禮盒 $188
一盒 24 件,包括紅莓、抹茶、鳯梨士多啤梨及朱古力口味。
鐵觀音奶油曲奇 $108 套
鐵觀音加上奶油曲奇,以茶罐盛載非常精美。
------------------------------------------------
【望月│新推芝士椒麻曲奇】
望月的出品一向不會令人失望,迎新年,今年有多款曲奇、蝴蝶酥及朱古力應市。新品芝士椒麻曲奇非常有創意,以 4 種芝士加上丘北剪椒、四角山青花椒、大紅袍花椒及黑椒,特濃芝士味中夾雜辣椒的辛香,必買!品牌的曲奇也值得入手,無論是伯爵茶、朱古力或是日本茶口味,分別用上英國川寧、法國及比利時朱古力及日本進口茶製,原材料味很搶。加埋今年出色的包裝,收到嘅朋友記得即刻開嚟食。
◈info◈
望月 Patisserie La Lune
網址:www.lalune.com
備註:銅鑼灣東角 Laforet、旺角銀行中心廣場、尖沙咀 K11 Art Mall 及屯門市廣場望月期間限定店亦有售
日本茶一口曲奇禮盒 $238
包括 3 款日本茶曲奇,包括抹茶、焙茶及玄米茶口味,玄米茶口味選用丸安茶業玄米茶粉並混入玄米粒,共 24 件。
芝士椒麻曲奇 $68
今年新出,曲奇以巴馬臣、埃文達、車打芝士及丹麥藍芝士、丘北剪椒、四角山青花椒、大紅袍花椒及黑椒 4 種辣椒製作,芝味特濃也有麻勁,內有 8 包獨立包裝曲奇。
黑朱古力脆脆禮盒 $128
品牌人氣產品,口感特甘脆,朱古力味濃而不甜,一吃停不到口。
伯爵茶及雙重朱古力曲奇禮盒 $148
內有 18 件曲奇。用料超靚,伯爵茶曲奇以紐西蘭牛油、Twinings 伯爵茶葉及美國小麥麵粉製成,吃落有伯爵茶葉碎,伯爵茶香芬芳;朱古力曲奇用法國 Extra Rouge 可可粉及比利時黑朱古力粒,可可味甘醇。
----------------------------------------
【Lady M│虎年糖果盒】
Lady M 迎虎年,出了一款糖果禮盒,盒內 6 款糖果由美國總公司引入,口味有呍呢嗱忌廉餅乾脆條、榛子朱古力忌廉餅乾脆條、海鹽焦糖牛奶脆米朱古力、芝麻脆米朱古力、士多啤梨啫喱軟糖及甜杏啫喱軟糖。禮盒打開,盒內的利是封會展開成為扇形,將常精緻。
◈info◈
Lady M
電話:3956 1494
備註:1. 持禮券換領日期至 2 月 6 日;1 月 29 日至 2 月 6 日期間只限於銅鑼灣時代廣場店及尖沙咀海港城店換領
2. 香港國際機場店不設換領
Lady M 金虎新春糖果禮盒 $638
盒內有 6 款糖果及利是封,盒子打開,裏面的利是封會如圖展開成扇形。
6 款糖果有有呍呢嗱忌廉餅乾脆條、榛子朱古力忌廉餅乾脆條、海鹽焦糖牛奶脆米朱古力、士多啤梨啫喱軟糖等口味。
-----------------------------------------------------
【皇玥│黃金系列禮盒】
由前半島酒店大廚、奶黃月餅創作人葉永華師傅及米芝蓮二星大廚黎永冠師傅創立的品牌皇玥,今年的禮盒取名黃金系列,非常好意頭,這系列更有買三送一優惠。不同組合的禮盒包含蜂巢蛋卷、米芝蓮蝴蝶酥、唐果子、黃金脆曲奇或黃金脆條,曲奇結合中式桃酥的鬆脆及西式牛油香的特點;而黃金脆條則以蛋黃加上牛油特製成酥皮、上面仲有白芝麻,非常惹味。
◈info◈
皇玥
地址:銅鑼灣駱克道 518 號地舖
網址:https://shop.ipastry.com.hk/
備註:1. 銅鑼灣、中環、灣仔、北角、山頂、尖沙咀、旺角、奧海城、將軍澳東港城、沙田、屯門市廣場等分店亦有售
新年金裝精選禮盒(30 件) $248、新年品味精選禮盒(23 件) $198
左邊的是金裝禮會、右邊是品味精選禮盒,內有不同口味的脆條、蝴蝶酥、蛋卷及脆曲奇等組合。
新年特級精選禮盒(50 件) $318、新年經典精選禮盒(13 件) $138
左邊的特級精選禮盒,包括黃金及白芝麻脆條、原味及伯爵茶蝴蝶酥、原味及椰汁蛋卷、牛油及紫菜脆曲奇。金色的經典精選禮盒內有脆條、蝴蝶酥、唐果子、脆曲奇。