深水埗美食|長沙灣誠意手作麵包店星味坊 巨型布丁蛋撻/鮮果拿破崙/冬甩

深水埗美食|長沙灣誠意手作麵包店星味坊 巨型布丁蛋撻/鮮果拿破崙/牛角包

發佈: 2022.06.22
文: 黃詠恩

長沙灣有間手作麵包店「星味坊 Starssy Square Bakery」,小店的巨型布丁蛋撻大大個都只需$12,每日都有人大排長龍購買!除了特大布甸蛋撻外,另有酥脆拿破崙冬甩等,麵包控到深水埗區覓食時不妨試試!

布甸蛋撻($12/個)每日新鮮出爐,日賣過千個,人氣爆燈!自家製蛋撻焗到金黃焦糖面,脹卜卜好吸引,下午茶趁熱食一流~

巨型布甸蛋撻比一般蛋撻特別大個和高身,蛋漿加入牛奶和鮮忌廉,無添加水溝稀,口感像布丁般滑嫩,蛋香味突出。至於曲奇撻皮選用1:1鮮牛油和植物牛油,食落沒那麼膩,鬆化帶陣陣牛油香。

*吃貨朋友留意,蛋撻1pm前每半小時新鮮出爐,每輪供應50個;1pm後不間斷出爐供應。

鮮果拿破崙同樣是星味坊的得意之作,有芒果($34/件)、士多啤梨($34/件)、栗子味($38/件)等選擇,亦可訂製原個拿破崙,價錢由$143(3吋 x 6吋)起。拿破崙層次分明,口感酥脆,中間加入忌廉吉士醬和水果,甜度適中不膩。

星味坊新推出蕃茄牛角包($18/個),落足料用上德國蕃茄粉和香草,切開有蜂巢紋,外脆內軟。另有厚切餐肉滑蛋包($12/個)、士多啤梨奶油蛋糕包($15)、吐司等麵包選擇,大份足料,價錢合理實惠。

炸冬甩($10 - $13/個)同樣是人氣之選,款式琳琅滿目,有Oreo、朱古力、綠茶、花生、紅寶石朱古力、棉花糖味等,色彩繽紛。

星味坊 Starssy Square Bakery

地址:深水埗元州街149號地舖
營業時間:7am - 8:30pm
電話:3460 4051

↓ 社群送禮!贏走總值$50,000獎品!↓

↓ 食盡全港五星級酒店!送您全自動咖啡機!↓


↓一次過試齊4款國金軒月餅↓

↓即入App參加遊戲贏獎品!↓

more