尖沙咀新開人氣韓式甜品店 韓國直送!5cm厚雙層Macarons/軟心朱古力麻糬年糕

尖沙咀新開人氣韓式甜品店 韓國直送!5cm厚雙層Macarons/軟心朱古力麻糬年糕

發佈: 2022.04.17
文: 黃詠恩

召集甜品控!尖沙咀有間新開張的打卡韓式甜品店「JuniJib Dessert Korean Cafe」人氣爆燈,主打韓國直送的5cm激厚雙層夾心Macarons朱古力麻糬蜂蜜蛋糕年糕三文治牛奶刨冰等,每日都有不少吃貨朋友排隊幫襯呢~即睇以下試食報告啦!

Click圖睇Menu:

JuniJib Dessert的馬卡龍比一般Macarons沒那麼甜,夾心餡用上相對健怡輕盈的燕麥奶油,而且有超級20款胖卡誌龍選擇,賣相色彩繽啱晒打卡!Click圖睇Macarons口味:

藍莓忌廉芝士馬卡龍是熱賣口味之一,外脆內幼滑,中間有酸甜藍莓醬,芝士味頗濃,外形啱晒相機食先呃Like~

Jolly Pong米脆拿鐵馬卡龍帶有麥香甜味,配流心煉奶;伯爵奶茶馬卡龍內有軟心朱古力,奶味略為蓋過了茶香。

海鹽焦糖馬卡龍外層有炙燒焦糖,內裡亦有流心焦糖,但完全不甜膩~抹茶馬卡龍的忌廉餡加入朱古力粒,可隱約食到陣陣抹茶味,未必適合喜歡濃茶口味的朋友。

Tiramisu朱古力馬卡龍灑滿可可粉,夾心加了手指餅,層次豐富,若咖啡味突出點會更吸引~黑朱古力馬卡龍夾心像生朱古力般香濃厚滑,可可味濃且甜度適中,超邪惡!

士多啤梨、蜜桃和青提子乳酪馬卡龍口味清新,前者面層放滿士多啤梨果乾點綴,粉嫩顏色充滿少女心,至於蜜桃和青提子味加了果醬,酸甜清新,特別推介青提子味,味道有點像青提子朱古力糖!

雙重車打芝士馬卡龍食落有RITZ芝士餅風味,鹹中帶甜,小編私心推介!至於Oreo馬卡龍的忌廉混合了粒粒曲奇碎,超邪惡~

除了韓式Macarons外,小店還有蜂蜜蛋糕年糕三文治($49/1 Set 5款),包括士多啤梨、朱古力、綠茶、芝士、南瓜味,夾上煙韌軟糯的麻糬。另有朱古力麻糬年糕($28/粒),選用高級意大利朱古力,咬開有軟心朱古力餡~

堂食的朋友可試試各款韓式牛奶刨冰($85 - $89),有Oreo、蜜瓜、士多啤梨等,放滿新鮮水果。除了水果口味外,店舖還有傳統果仁紅豆糯米糍刨冰,口感豐富。

飲品方面推介多款自家製水果梳打特飲,有士多啤梨、芒果、提子、奇異果等,入口滿爽,還有草莓Latte、韓國有機濟州綠茶等。

JuniJib Dessert Korean Cafe

地址:尖沙咀加拿分道33-35A號
營業時間:12:30pm - 9pm
IG專頁:junijib_cafe

部分圖片來源:FB@JuniJib Dessert Korean Cafe

作者:黃詠恩

↓送您12款精選熱賣零食↓

↓立即入APP參加贏獎品↓


【為食UU熊GO!】激賞Häagen-Dazs單球雪糕券

↓入App玩遊戲贏雪糕券兼日日賺U Fun↓

more