6間人氣長龍抵食兩餸飯店推介! 最平$20兩個餸/$40三餸有炒蟹海鮮餐

發佈: 2022.03.16
文: 陸嘉敏

兩餸飯(雙餸飯)經濟實惠夠大份,價錢便宜又多款式選擇,成為唔少香港人的糧尾恩物!究竟香港有什麼平價好味兩餸飯推介?Facebook群組「香港兩餸飯關注組」網民熱烈分享各區抵食兩餸飯,包括中環兩餸飯、荃灣兩餸飯、灣仔兩餸飯等,想食飽啲仲可以「加餸」變三餸飯!想有食住家飯感覺,又想慳錢,兩餸飯店就是最理想外賣選擇!小編就為大家整理6間討論度高的兩餸飯店,有連鎖店也有逆市轉型的餐廳,一齊睇睇~

 

兩餸飯推介 1. 權發小廚

由酒樓轉型至兩餸飯專門店,質素有保證,被網民大讚為「最強兩餸飯」。自從被電視節目報導後,食客有增無減,午市和晚市都大排長龍。權發每日有超過20款鑊氣小炒,有海鮮有肉又有菜,好足料,不少人推介招牌生炒骨、黑醋骨、梅菜扣肉等菜式,兩餸飯雖近年加價至40元,但是飯盒足料仍然是經濟實惠!而且菜式會不定期更換,讓大家可以試到更多不同餸菜。

地址:油麻地彌敦道513號泰和商業大樓地舖

 

兩餸飯推介 2. 佳記美食

Facebook群組「香港兩餸飯關注組」網民分享,在北角、西環、灣仔、佐敦、長沙灣和荃灣都有分店的佳記美食,遍佈港九新界,買外賣兩餸飯非常方便。網民讚佳記美食餸菜均「非常新鮮、大份抵食、質素穩定」,因此中午、晚餐時間都會見到人龍排隊買飯盒,沙姜雞脾、魚香茄子、生炒骨、鹹蛋蒸肉餅、椒鹽豬扒及薯仔炆雞等都是熱門兩餸飯菜式!

 

 

地址:

北角英皇道490號英華閣地下

灣仔軒尼詩道233號怡明閣地下

西環皇后大道西484號新安大樓地下M號舖

佐敦上海街88號地舖

長沙灣青山道234號地舖

荃灣眾安街79號地舖

 

兩餸飯推介 3. 香港地兩餸飯

香港地兩餸飯主要分佈在港島區,分別在鰂魚涌、小西灣、銅鑼灣,方便附近打工仔中午或放工後買外賣。兩餸飯價錢$35,三餸飯$43,雖不是最平價,但是菜式特別,除常見的三色蒸水蛋、咕嚕肉、炸魷魚鬚,有時還會限時推出古法炆黑草羊腩、清蒸芝麻班、臘味糯米飯、豉汁蒸䱽魚、剁椒黃花魚、牛仔骨、椒鹽蝦等;而且香港地兩餸飯份量非常多,有網民就在其專頁投訴:「啲餸真係畀好多,叫咗少餸都好多!」女生買一盒分兩餐食也可,難怪一直都有捧場客!

 

 

地址:

鰂魚涌芬尼街22-46號海暉大廈地下Q號舖

柴灣小西灣富欣花園商場地下49號舖

銅鑼灣禮頓道希雲街1-5號禮信大廈地下3號&16號舖

 

營業時間:11:30am-8:00pm

 

兩餸飯推介 4. 岱民

岱民是連鎖兩餸飯店,在各區都有分店,方便各位無飯一族。不過每間分店應該是特許經營,口碑及供應菜式都有所不同,但整體而言,性價比還是不錯,不少人都大讚岱民兩餸飯份量超足料,怎麼吃都吃不完!價錢方面,都算平價,兩餸飯$28元,價錢在中環、上環等港島CBD地區來說是非常便宜抵食。

 

兩餸飯推介 5. 齊記美食

齊記美食是由人氣的齊柏林熱狗店逆市開設的副線,兩餸飯分店設於屯門和新蒲崗。每日大約供應20款菜式,有肉有菜當然有魚,其中椒鹽豬扒、三杯雞都受到網民推薦,咖哩雞送飯一流!原條豉汁蒸倉魚份量十足,價錢亦很實惠,兩餸只需$36,三餸則是$42,更包紙包飲品,難怪剛開張不久已大受歡迎,大排長龍!

地址:

屯門青菱徑3號東威閣地下G03號舖

新蒲崗寧遠街3-23號越秀廣場G18舖

 

兩餸飯推介 6. 大排檔小炒

大排檔小炒本身是主打大排檔風味鑊氣小炒,最近轉型推出兩餸飯,最平$35就可以食到,每日都有18款不同的小炒,如生炒骨、椒蒸魚頭、招牌咕嚕肉、牛仔骨、蜜薯牛柳粒、豉汁蒸白鱔、西蘭花炒蝦、鹹蛋蒸肉餅等。在疫情期間,餐廳每日亦都會派發200個檢測包給惠顧顧客,希望可以回饋社會,共同抗疫。

地址:灣仔天樂里2-4號金豐商業大廈地舖

 

同場加映:香滑滋潤椰皇燉蛋白食譜 內附簡易開椰皇方法!

 

資料及圖片來源:FB@香港兩餸飯關注組FB@有飯開FB@權發小廚FB@齊記美食FB@佳記美食FB@香港人兩餸飯 Hong Kongers Family Food

 

【兩餸飯關注組】6間人氣長龍抵食兩餸飯店推介!   最平$20兩個餸/$40三餸有炒蟹海鮮餐

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more