佐敦韓式肥嘟嘟三文治外賣店 招牌吉列豬扒/原隻軟殼蟹三文治/即製可麗餅

發佈: 2022.04.15
文: 莫甄兒

「Oink Square Coffee & Crêpe」位於佐敦,主打超級足料的韓式三文治,配料選擇眾多,如吉列豬扒,軟殼蟹,韓式牛肉,炸魚手指等。另外餐廳更有可麗餅供應,佈滿水果和忌廉,做飯後甜品一流啊~有興趣的朋友就記得bookmark地址啦!

小店的菜單豐富多樣化,除了招牌肥嘟嘟三文治外,也有多款小食和可麗餅供應,更有多達二十多款飲品可選擇。即睇Menu:

店內主打多款韓式肥嘟嘟三文治,而的確如其名,每款都漲卜卜非常足料。必試招牌吉列豬扒三文治($54/份),豬扒使用氣炸方式所以不會過於油膩但有酥脆感,而且保有肉汁不會乾柴,麵包塗上秘製醬汁後令味道更豐富。軟殼蟹三文治($68/份)用上原隻軟殼蟹,食落啖啖肉,而且有大量新鮮蔬菜和蕃茄可以中和油膩感。

秘製醬汁烤牛肉三文治($45/份)也是人氣之選,烤牛肉份量慷慨,秘制醬汁味道微甜,食落好開胃。而且三文治的包裝嚴實,食用時也很方便,不會因太足料而食到好論盡。不過因為每份三文治都即叫即製,所以可能等候時間會較長~

小食方面,芝士控必試韓式芝士粟米($29/份)和芝士薯條($30/份),薯條更會有額外一盒芝士醬,味道超濃郁!喜歡炸物的朋友也可以試試日式蟹肉忌廉薯餅($28/份),外層炸得好酥脆,內裏的蟹肉忌廉順滑又有淡淡薯仔香氣。

食完鹹食,可以試埋即叫即製可麗餅,君主可麗餅($62/份)頗為大塊,而且面層鋪滿了士多啤梨,藍莓等水果和朱古力醬,入口更食到濃郁香蕉味,再加上whipped cream,口感豐富,做飯後甜品一流~

Oink Square Coffee & Crépe

地址:佐敦德興街德興街1-3號地下B2號舖

營業時間:星期一至五10:00-20:00;星期六日及公眾假期09:00-17:00;每月第二及第四個星期六休店

電話:5915 0813

Instagram:oink_square

 

圖片來源:FB@oink_square

作者:莫甄兒

佐敦韓式肥嘟嘟三文治外賣店 招牌吉列豬扒/原隻軟殼蟹三文治/即製可麗餅

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more